კომენტარი

რაც უფრო რთულია მეზობელი, დიალოგის აუცილებლობა მაშინ უფრო დგება - ზურაბ აბაშიძე

პრემიერ-მინისტრის სპეციალური წარმომადგენლის რუსეთთან ურთიერთობის საკითხებში ზურაბ აბაშიძის თქმით, რაც უფრო რთულია მეზობელი, მით უფრო დგება დიალოგის აუცილებლობა.

როგორც აბაშიძემ გადაცემა „360 გრადუსში“ აღნიშნა, ბოლო წლებში ე.წ. პრაღის ფორმატმა შედეგი გამოიღო და გარკვეული მიმართულებით დადებითი ტენდენციები შეინიშნება.

„რაც უფრო რთულია მეზობელი, დიალოგის აუცილებლობა მაშინ უფრო დგება. ამ თვალსაზრისით NATO-ს გენერალურ მდივანს დავესესხები, რომელმაც თქვა, რომ რუსეთთან დიალოგი რთულია და სწორედ ამიტომ არის საჭირო რუსეთთან დიალოგი, ჩვენს შემთხვევაშიც ნამდვილად ესეა. ე.წ. პრაღის ფორმატი 2012 წლის ბოლოს ჩამოვაყალიბეთ და მისი უმთავრესი ამოცანა იყო და რჩება სავაჭრო-ეკონომიკური საკითხების განხილვა, სატრანსპორტო კომუნიკაციები და გარკვეული ჰუმანიტარული საკითხები, ეს არის ჩვენი დღის წესრგი, ეს საკიტხები რცება განხილვის მთავარ საგნად და ეს ძალიან დიდი სფეროებია.

როდესაც ჩვენ ამ დიალოგს შევუდეგით, მაშინ ნულის დონეზე იყო ჩვენი ექსპორტი, რუსეთიდან კი ყველაფერი შემოდიოდა, არანაირი შეზღუდვა არ იყო იმპორტის თვალსაზრისით, საქართველოდან არაფერი გადიოდა, ნული თითქმის. ამიტომ ჩვენი ერთ-ერთი ამოცანა იყო დაგვებალანსებინა ეს საკითხი, ამ თვალსაზრისით ელემენტარული სამართლიანობა აღვედგინა და ახლა ჩვენი ექსპორტი დაახლოებით, 250 მილიონია და იმედია, წლის ბოლოსთვის 300 მილიონს მიაღწევს“, -აღნიშნა ზურაბ აბაშიძემ.

მონიკა დავლიანიძე