კომენტარი

რაც მეტ ინფორმაციას გადასცემს იმ დამალული და კონსპირაციული საქმიანობის შესახებ, მით იქნება უკეთესი - გია ვოლსკი „ომეგა ჯგუფის“ საქმეზე გავრცელებულ მორიგ ჩანაწერზე

საქართველოს პარლამენტის თავმჯდომარის მოადგილის, გია ვოლსკის განცხადებით, აუცილებლად უნდა დადგინდეს, რა ხდება „ომეგა ჯგუფის“ ირგვლივ.

„რაც მეტი იქნება ჩანაწერი და რაც მეტ ინფორმაციას გადასცემს იმ დამალული და კონსპირაციული საქმიანობის შესახებ, რომელსაც „ომეგაში“ თვითონ „ომეგას“ გარშემო ადამიანები ეწეოდნენ, იქნება უკეთესი, რასაკვირველია,“ - განაცხადა დეპუტატმა.

„რუსთავი 2“-მა „ომეგა ჯგუფის“ საქმეზე მორიგი ფარული ჩანაწერი მოიპოვა, რომელშიც ისევ ფიგურირებს სპორტისა და ახალგაზრდობის ყოფილი მინისტრი ლევან ყიფიანი.

აღნიშნულ ჩანაწერში, რომლის ავთენტურობაში „კურიერი“ ამ ეტაპზე დარწმუნებით ვერ საუბრობს, ირკვევა, რომ ყიფიანი „ომეგა ჯგუფის“ დამფუძნებლებს მინისტრებისთვის ძვირადღირებულ მანქანებს სძალავდა.

ამ ჩანაწერში ყიფიანი „ომეგა ჯგუფის“ მენეჯმენტის წარმომადგენლებისგან ორი ყოფილი მინისტრისთვის - ნოდარ ხადურისა და დიმიტრი ქუმსიშვილისთვის 3 მანქანის გადაფორმებას ითხოვს.

ყიფიანი აღნიშნულ მოთხოვნას ხსნის ფინანსური ვალდებულებებით, რომლებსაც ის ვერ გაექცევა.