კომენტარი

რატომ ლაგდება ისე, რომ მხოლოდ მამალაძე იყო სააკაშვილის მომხრე და სხვები დისიდენტები იყვნენ - გია ხუხაშვილი

ექსპერტ გია ხუხაშვილს მიაჩნია, რომ მამა გიორგი მამალძის საქმის ირგვლივ ქვეყანა ორ ბანაკად დაიყო.

ამასთან, როგორც ხუხაშვილმა აღნიშნა, მამალაძის ბედი კი აღარავის აინტერესებს.

„მამალაძის ირგვლივ ორ პოლიტიკურ ბანაკად დაიყო მთელი ქვეყანა. და ამ ადამიანის ბედი აღარავის არ აინტერესებს. მამალაძე ვიღას ახსოვს. ეხლა იმაზე ფიქრობენ, პოლიტიკურად ერთმანეთს როგორ მოუგონ. რატომ გახდა საერთოდ მამალაძე ნაციონალური მოძრაობის მხარე, მე ეს კითხვა მაქვს. თუ ჩვენ იმის ჩამოთვლას დავიწყებთ, რომ მიშა საკაშვილისგან საპატრიარქოს რა საჩუქრები აქვს მიღებული, შეიძლება ძალიან შორს წავიდეთ. ნუ გამოიყვანენ ისე, რომ მამალაძე იყო სააკაშვილის მომხრე და ყველა დანარჩენი, იმ პერიოდში, ყველა დისიდენტი იყო. ესე ხომ არ იყო. რატომ ლაგდება ასე ეს ყველაფერი?ამ ქვეყანაში ეს არის მთავარი ტრაგედია. რა შუაშია აქ პოლიტიკა. ეს არის სამართლებრივი პროცესი, რომელიც სამწუხაროდ, პოლტიკურად ისე იფუთება, რომ გამოსავალი აღარ ჩანს“,-აღნიშნა ხუხასვილმა.

მონიკა დავლიანიძე