კომენტარი

რას ვაპირებთ ჩვენ აფხაზეთთან მიმართებაში, ეს იქნება ყველაფერი ბურუსით მოცული - ვახტანგ ყოლბაია

აფხაზეთის ავტონომიური რესპუბლიკის თავმჯდომარის მოვალეობის შემსრულებლის, ვახტანგ ყოლბაიას განცხადებით, 23 წელიწადია დევნილი მოსახლეობა ტერიტორიული მთლიანობის აღდგენის პრობლემის მოგვარებას ელოდება.

ამის შესახებ ყოლბაიამ მედიას პარლამენტში განუცხადა, სადაც საკონსტიტუციო კომისიის, ადმინსიტრაციულ-ტერიტორიული, მოწყობისა და თვითმმართველობის მოწყობის საკითხზე მომუშავე ჯგუფი პირველ სამუშაო შეხევდრას მართავს.

ყოლბაია სამუშაო ჯგუფის შეკრების მნიშვნელობას ხაზს უსვამს და აღნიშნავს, რომ მნიშვნელოვანია ისეთი თემების განხილვა, რომელიც კონფლიქტის მოგვარების საკითხს წაადგება.

„23 წელია ჩვენ ველოდებით ტერიტორიული მთლიანობის პრობლემის მოგვარებას. სამწუხაროდ, საკითხი ვერ მოგვარდა. თუ ჩვენ არაფერი არ ვთქვით, დღეს არაფერი არ ვუთხარით საზოგადოებას საქართველოში, არ ვუთხარით სოხუმის საზოგადოებას, საერთაშორისო საზოგადოებას რას ვაპირებთ ჩვენ აფხაზეთთან მიმართებაში, ყველაფერი ბურუსით მოცული. ამიტომ, ვთვლით, რომ სტატუსთან დაკავშირებითაც, მთლიანობაშიც, უფლებამოსილებასთანაც აფხაზეთის ავტონომიური რესპუბლიკისა, შეიძლება ბევრი რამე ისე ითქვას, რომელიც წაადგება კონფლიქტის მოგვარების საკითხს“,-აღნიშნა ყოლბაიამ.

შეხვედრას ასევე, კომიის წევრის სტატუსით, აჭარის უმაღლესი საბჭოს თავმჯდომარე ზურაბ პატარაძეც ესწრება, რომელმაც მედიას განუცხადა, რომ იგი მოგვიანებით ისაუბრებს დეტალურად იმაზე, თუ რა საკითხების წამოწევასაც გეგმავს ჯგუფში.

მონიკა დავლიანიძე