კომენტარი

რადიკალური ცვლილებები ეკა ბესელიათი არ უნდა დაწყებულიყო, უნდა დაწყებულიყო პორტირებულების „ნაჩალნიკით“, ანუ კობახიძით - დავით ჭიჭინაძე

ვფიქრობ, ის დანაპირები, რომელიც ბიძინა ივანიშვილმა მოსახლეობას მეორე ტურის წინ მისცა, რომ იქნებოდა რადიკალური ცვლილებები ეკა ბესელიათი არ უნდა დაწყებულიყო, უნდა დაწყებულიყო პორტირებულების „ნაჩალნიკით“, ანუ კობახიძით, - განაცხადა პარლამენტის წევრმა დავით ჭიჭინაძემ ბესელიას გადაწყვეტილებასთან დაკავშირებით, რომელმაც დღეს იურიდიული კომიტეტის თავმჯდომარის თანამდებობა დატოვა.

ჭიჭინაძის თქმით, კობახიძეს უნდა დაეტოვებინა პარლამენტის თავმჯდომარის თანამდებობა, ხალხი ამას ელოდებოდა.

„ეკა ბესელიამ გადადგა ის ნაბიჯი, რითაც ვფიქრობ, რომ ქვეყანას კიდევ ერთხელ აჩვენა თავის სახე, რომ ის იბრძვის სამართლიანობისთვის და არა კარიერისთვის. შესაბამისად, ძალიან დიდი ხნის განმავლობაში არის დაპირისპირება ამ „კოლექტიურ ზარდიაშვილებასა“ და ეკა ბესელიას შორის და ვფიქრობ, ბესელიამ თავის ნაბიჯით შეძლო ქვეყანაში უსამართლო მოსამართლეების დანიშვნის შეჩერება. მიუხედავად იმისა, რომ კობახიძე დაჟინებით მოითხოვდა ხვალ ჩატარებულიყო კომიტეტის სხდომა და ყოფილიყო ამ წარმოდგენილი კანდიდატურების განხილვა, ეკამ ბესელიამ თავის გადადგომით გააჩერა ეს პროცესი“, – განაცხადა დავით ჭიჭინაძემ.