კომენტარი

ქვეყნის საზღვარი კონტროლდება, თუმცა ეს არ გამორიცხავს იმას, რომ ვინმე შეიძლება იყოს შემოსული ქვეყანაში საზღვრის უკანონო კვეთით, ან სხვა გზით - ეკა ბესელია

პარლამენტის იურიდიულ საკითხთა კომიტეტის თავმჯდომარის, ეკა ბესელიას თქმით, ქვეყნის საზღვარი კონტროლდება, თუმცა ეს არ გამორიცხავს იმას, რომ ვინმე შეიძლება იყოს შემოსული ქვეყანაში საზღვრის უკანონო კვეთით, ან სხვა გზით.

ამის შესახებ ბესელიამ შს მინისტრის მიერ დღეს გაკეთებული განცხადების კომენტირებისას აღნიშნა.

გიორგი გახარიამ ტერორზმში ეჭვმიტანილებზე საუბრისას განაცხადა, რომ „შეიძლება ითქვას, ისინი საქართველოში არალეგალური გზით შემოვიდნენ“.

„საზღვარი, რა თქმა უნდა, კონტროლდება და მიუხედავად იმისა, რომ მათ შორის ჩვენი პარტნიორები და მეზობლები არიან ამ საერთო თანამშრომლობაში ჩართული - ეს არ გამორიცხავს, რომ ვინმე შეიძლება იყოს ქვეყანაში შემოსული საზღვრის უკანონო შემოვლით, ან კვეთით, ან სხვა გზით“,-განმარტა ეკა ბესელიამ.

მონიკა დავლიანიძე