კომენტარი

ქვეყანა იმდენად პატარაა, რომ შეიძლება ორი, ან სამი ადამიანიც კი აღმოჩნდეს ერთმანეთის ნათესავი - დიმიტრი ხუნდაძე

„ქართული ოცნების“ წევრის, დიმიტრი ხუნდაძეს თქმით, „ქართული ოცნება“ ნეპოტიზმით, ან ნათესავური კავშირებით არ ყალიბდება.

გუშინ გადაცემა „არჩევანში“ ზაქარია ქუცნაშვილის მიერ გაკეთებული განცხადების კომენტირებისას, ხუნდაძემ აღნიშნა, რომ საქართველო იმდენად პატარა ქვეყანაა, რომ შეიძლება ორი, ან სამი ადამიანიც კი აღმოჩნდეს ერთმანეთის ნათესავი.

„ნეპოტიზმი „ქართული ოცნებისთვის“ მახასიათებელი არ არის. მთელს გუნდში თუკი ორი ადამიანი ერთმანეთის ნათესავი აღმოჩნდება, ეს არ ნიშნავს, რომ ნეპოტიზმი, ან ნათესავური კავშირებით ყალიბდება გუნდი. ეს გამორიცხულია. ზოგადად, ქვეყანა, თავისი მოსახლეობის რიცხოვნობით იმდენად პატარაა, შეიძლება ორი, ან სამი ადამიანიც კი აღმოჩნდეს ერთმანეთის ნათესავი. მაგრამ კიდევ ერთხელ ვამბობ, რომ ეს არ ნიშნავს იმას, რომ მმართველი გუნდი ყალიბდება ნათესავური კავშირებით“,-განმარტა ხუნდაძემ.

მონიკა დავლიანიძე