კომენტარი

„ქართული ოცნებისთვის“ საკონსტიტუციო უმრავლესობა ხალხის წინაშე კიდევ უფრო მეტ პასუხისმგებლობას ნიშნავს - გიორგი კვირიკაშვილი

საქართველოს პრემიერ-მინისტრის განცხადებით, „ქართული ოცნებისთვის“ საკონსტიტუციო უმრავლესობა, ხალხის წინაშე, კიდევ უფრო მეტ პასუხისმგებლობას ნიშნავს.

ამის შესახებ გიორგი კვირიკაშვილმა ბრიფინგზე განაცხადა.

„ჩვენი ხალხის გადაწყვეტილებით, ”ქართულმა ოცნებამ“ მიიღო საკონსტიტუციო უმრავლესობა. ჩვენ ამ მანდატს გამოვიყენებთ იმისთვის, რომ აღარავის მიეცეს შესაძლებლობა, რომ კონსტიტუცია რომელიმე ერთ პოლიტიკურ ძალას მოარგოს. „ქართული ოცნებისთვის“ საკონსტიტუციო უმრავლესობა ნიშნავს კიდევ უფრო მეტ პასუხისმგებლობას ჩვენი ხალხის წინაშე. რაც მეტია ხალხის ნდობა, მით უფრო მომთხოვნია საზოგადოება ხელისუფლების მიმართ“,-განაცხადა პრემიერ-მინისტრმა.

მისი თქმით, დღეიდან იწყება აღმშენებლობის სრულიად ახალი ეტაპი საქართველოში და „ჩვენ მზად ვართ, ქვეყნის წინსვლისთვის გადამწყვეტი ნაბიჯები გადავდგათ“.

„კიდევ ერთხელ გილოცავთ ყველას დემოკრატიის ტესტის ჩაბარებას და ჩვენი ხალხისა და ჩვენი ქვეყნის გამარჯვებას”, -განაცახდა პრემიერ-მინისტრმა.

მონიკა დავლიანიძე