კომენტარი

„ქართული ოცნების“ წევრია თუ ვის აძლევს ხმას, უნდა გაირკვეს, იქნებ თვითონ „ნაციონალური მოძრაობის“ წევრია - სოფიო კილაძე

პარლამენტის ადამიანის უფლებათა დაცვის კომიტეტის თავმჯდომარე სოფიო კილაძე „ნაციონალური მოძრაობის“ წევრის ხატია დეკანოიძის ბრიფინგს გამოეხმაურა, სადაც დეკანოიძის მტკიცებით, თბილისის რამდენიმე საარჩევნო უბანზე არჩევნების გაყალბება მოხდა.

დეკანოიძემ საარჩევნო პროცესის ამსახველი ვიდეომასალა წარადგინა.

კილაძის თქმით, პირველ რიგში უნდა გაირკვეს, ვინ არის ადამიანი, რომელიც ვიდეოში ჩანს, კილაძის ტქმით, იქნებ თვითონ „ნაციონალური მოძრაობის“ წევრია?!

„ეს ადამიანი დადასტურებულად „ქართული ოცნების“ წევრია თუ ვის აძლევს ხმას? არ მინახავს კონკრეტული ვიდეო, მაგრამ პირველ რიგში უნდა გაირკვეს, ვინ არის ეს ადამიანი. იქნებ თვითონ „ნაციონალური მოძრაობის“ წევრია?! მეორე მხრივ, რა თქმა უნდა, თუ ვინმემ რამდენჯერმე მისცა ხმა, აუცილებლად უნდა დაისაჯოს და ასევე ის პირებიც, ვინც ვალდებული იყო, მონიტორინგი გაეწია ამ სიტუაციისთვის. რა თქმა უნდა, ადეკვატური რეაქცია უნდა მოჰყვეს ამ ყველაფერს, მაგრამ ძალიან საინტერესოა, "ნაციონალურ მოძრაობას" საიდან აქვს ეს ვიდეო, თუ თვითონ არ იღებენ ამაში მონაწილეობას?“- განაცხადა სოფიო კილაძემ.

მონიკა დავლიანიძე