კომენტარი

`ქართული ოცნების“ მიერ შემოტანილი სტუდენტების დაფინანსების წესი არის მავნებლობა -სერგო რატიანი

„ევროპული საქართველოს" წევრი, სერგო რატიანი განათლების სისტემაში შესატან ცვლილებებს გამოეხმაურა და აღნიშნა, რომ „ქართული ოცნების“ მიერ შემოტანილი სტუდენტების დაფინანსების წესი მავნებლობაა.

"მასწავლებლებს აქვთ სერიოზული პრობლემა, როდესაც სერტიფიცირებულ მასწავლებლებსაც კი არ აქვთ შესაბამისი ხელფასი და კუთვნილ ანაზღაურებასაც არ აძლევენ; როდესც მასწავლებლების 80%-მდე და მეტს აქვს 400 ლარი ანაზღაურება - ეს არის ძალიან მძიმე მდგომარეობა. გარდა ამისა, წლების განმავლობაში ვსაუბრობთ, რომ უმაღლეს სასწავლებლებში „ქართული ოცნების“ მიერ შემოტანილი სტუდენტების დაფინანსების წესი არის მავნებლობა, უკანგადადგმული ნაბიჯი და ეს უნდა შეიცვალოს. დაიწყო იმაზე საუბარი, რომ რაღაც უნდა შეიცვალოს, მაგრამ ამ ეტაპზე, კონკრეტული არაფერი არ ჩანს",- განაცხადა სერგო რატიანმა.

შეგახსენებთ, რომ დღეს, უმაღლესი განათლების დაფინანსების კუთხით ცვლილებებზე საქართველოს განათლებისა და მეცნიერების მინისტრმა, მიხეილ ჩხენკელმა, განათლების სამინიტროს სამოქმედო გეგმის წარდგენაზე ისაუბრა.

მინისტრის განცხადებით, სამოქმედო გეგმა განათლების ყველა დონეზე ხარისხის ამაღლებას ემსახურება, რაც მთავრობის ოთხპუნქტიანი გეგმის ერთ-ერთი ნაწილია და გარკვეული კომპონენტების განხორციელება უკვე დაწყებულია.