მსოფლიო

ქარიშხალი „მარია“ მეხუთე კატეგორიამდე გაძლიერდა, მან კუნძული დომინიკა თითქმის მთლიანად გაანადგურა

ქარიშხალი „მარია“ მეხუთე კატეგორიამდე გაძლიერდა და კარიბის ზღვის კუნძულ დომინიკას დაატყდა თავს.

BBC-ს ინფორმაციით, ქარის სიჩქარე საათში 260 კილომეტრს აღწევს.

კუნძულ დომინიკას პრემიერ-მინისტრმა განაცხადა, რომ ქარიშხალმა თითქმის მთლიანად გაანადგურა კუნძული.

„ყველაფერი დავკარგეთ. ახლა მთავარი პრიორიტეტი - იმ ადამიანების გადარჩენაა, ვისაც სახლებიდან დამოუკიდებლად გამოსვლა არ შეუძლიათ და მათთვის სამედიცინო დამმარების აღმოჩენაა საჭირო. დახმარება დაგვჭირდება, მეგობრებო. ნებისმიერი დახმარება დაგვჭირდება“,-განაცხადა კუნძულის პრემიერ-მინისტრმა რუზველტ სკერიტმა.

ამჟამად ქარიშხალი პუერტო-რიკოსკენ მიემართება.

პუერტო-რიკოს გუბერნატორმა საგანგებო მდგომარეობა გამოაცხადა. სპეციალისტების ვარაუდით, სტიქია კუნძულს 20 სექტემბერს დაატყდება თავს.

მონიკა დავლიანიძე