მსოფლიო

ქარიშხალ „ირმას“ შედეგად, სულ მცირე 7 ადამიანია დაღუპული

ქარიშხალიმა - „ირმა“ საფრანგეთისა და ატლანტიკის სანაპირო ზოლს გადაურა, რომლის შედეგად სულ მცირე 6 ადამიანი დაიღუპა.

ქარიშხალმა სენ-ბარტელემისა და სენ-მარტენის კუნძულებს მნიშვნელოვანი ზიანი მიაყენა.

სენ-მარტენის კუნძულის ხელმძღვანელობის განცხადებით, ქარიშხალის შედეგად კუნძული 95%-ით არის განადგურებული, - იტყობინება Euronews-ი.

საფრანგეთის პრეზიდენტი ქარიშხალის შედეგად დაღუპულთა ოჯახებს მიმართა.

„გულით ვართ იმათთან, ვინც ჩვენს ქვეყანაში, ყველაფერი დაკარგა, ზოგიერთმა კი ახლობლები. მათ ოჯახებთან ვართ. მთელი ქვეყანაა მათთან. ჩვენ შესაბამისი სამსახურების მობილიზება უკვე მოვახდინეთ, რომ მათ დავეხმაროთ“,-განაცხადა საფრანგეთის პრეზიდენტმა ემანუელ მაკრონმა.

ამასთან, მოგვიანებით „ირმა“ პუერტო-რიკომდე მიაღწია. გავრცელებული ინფორმაციით ქარიშხალს აქ ერთი ადამიანი ემსხვერპლა. ქარის სიჩქარე 170 კმ/ს შეადგენდა.

იმ სპეციალისტების აზრით, რომლებიც ქარიშხალის მოძრაობის ტრაექტორიას აკვირდებიან რიგში კუბა და ფლორიდაა, სადაც მოსახლეობის ევაკუაცია უკვე მიმდინარეობს.

ფლორიდის გუბერნატორის რიკ სკოტის განცხადებით, ადგილობრივი ხელისუფლება სათანადოდ არის მომზადებული.

„ფლორიდის თითოეულმა მაცხოვრებელა ქარიშხალს ძალიან სერიოზულად უნდა მიუდგეს და საკუთარი ოჯახები დაიცვას. უძრავი ქონების აღდგენა შესაძლებელია, მაგრამ ახლობლების დაბრუნება შეუძლებელი“,-აღნიშნა გუბერნატორმა.

მონიკა დავლიანიძე