კომენტარი

პროკურატურის ვერსიას კითხვის ნიშნის ქვეშ აყენებს - დაკავებისას დეკანოზს 4500 ევრო ჰქონდა

დეკანოზ გიორიგ მამალაძის ადვოკატის, მიხეილ რამიშვილის თქმით, დაკავებისას დეკანოზს 4500 ევრო ჰქონდა თან, რაც რამიშვილის აზრით, პროკურატურის ვერსიას კითხვის ნიშნის ქვეშ აყენებს.

“როდესაც ჩანაწერში გარკვეულ თანხებზე ელაპარაკება და იქ მიდის საუბარი – მე ეს თანხა არ გამაჩნია, ჯერ 10 000-ზეა საუბარი, მერე 5 000-ზე, მერე – 3000-ზე… იცით რა არის ყველაზე საინტერესო? მამა გიორგის რომ სდომებოდა, როგორც ირაკლი მამალაძე უებნება – ფულს თუ მომცემ ხელი-ხელში, იმ წუთსავე გადმოგეცემა ეს საწამლავიო.

მისი დაკავების დროს, როდესაც მამა გიორგი დააკავეს, მას ჰქონდა 4500 ევრო. შესაბამისად, თუ ასე სწრაფად და გერმანიაში წასაღებად უნდოდა და ქალბატონი შორენა თეთრუაშვილის და მაღალი ირეარქიის სასულიერო პირების მოსაწამლად, ისმის კითხვა – ის “ჩვენ” და “ისინი” არ ეტყოდნენ, 4500 ევრო რომ წამოიღე – წამოგეღო ნივთიერება და შევასრულებდით ამ მომზადებულ დანაშაულს?!

ამიტომ ვამბობ, ეს არის ძალიან აბსურდული დასაბუთება. როდესაც ჯერ კიდევ ავთენტურობა დაუდგენელ ჩანაწერში საუბარი მიდის – თანხა როგორც კი მექნება, მერე ვისაუბროთ ამ საკითხზეო. თანხა, ღმერთმა უწყის და დარწმუნებული ვარ, მამა გიორგის მანამდეც ჰქონდა,” – თქვა მიხეილ რამიშვილმა რუსთავი 2-ის ეთერში.

ნინო ექვთიმიშვილი