კომენტარი

პროკურატურაში, შსს-ში არის ბევრი გასაკეთებელი, რომ ევროპულ სტანდარტებს მივაღწიოთ - კახა გოგოლაშვილი

„ევროპული კვლევების ცენტრის“ ხელმძღვანელის კახა გოგოლაშვილის განცხადებით, საქართველოში ადამიანის უფლებათა დაცვის და სხვა სფეროებში საკმაოდ მნიშვნელოვანი წინსვლა არსებობს.

ამის შესახებ გოგოლაშვილმა ჟურნალისტებს კონფერენცია „საქართველო - ევროკავშირის ასოცირების ამოცანების“ ფარგლებში განუცხადა, რომელიც უკვე მეათედ იმართება.

„ძალიან მნიშვნელოვანია პოლიტიკური რეფორმები. წინსვლა არსებობს ადამიანის უფლებების დაცვის საკითხებში, საკმაოდ მნიშვნელოვანი. ასევე სხვა მრავალ საკითხებში, მაგრამ ჯერ-ჯერობით არსებობს ასევე პრობლემები, მაგალითად იგივე, პროკურატურის რეფორმასთან დაკავშირებით, შინაგან საქმეთა სამინისტროს რეფორმა ჯერ კიდევ განსახორციელებელია, გარემოს დაცვა, ენერგეტიკა, ტრანსპორტი. ეს ის სფეროებია, რომლებშიც არის ჯერ კიდევ ბევრი რამ გასაკეთებელი, იმისათვის რომ ჩვენ მივაღწიოთ ამ სფეროებში ევროპულ სტანდარტებს“,-აღნიშნა ექსპერტმა.

მონიკა დავლიანიძე