კომენტარი

პრეზიდენტის შემოთავაზება ჯგუფის შექმნაზე, არც ერთ კანონში გათვალისწინებული არ არის - გია ვოლსკი

„ქართული ოცნების“ წევრის გია ვოლსკის განცხადებით, პრეზიდენტს უფლება აქვს სამუშაო ჯგუფის შექმნა, თუმცა ეს არც ერთ კანონში გათვალისწინებული არ არის.

ამის შესახებ ვოლსკიმ მედიას განუცხადა.

„უფლება არ აქვსო ვერ ვიტყვით, მაგრამ მას არ აქვს საკანონმდებლო ინიციატივის უფლება. იგი საკონსულტაციო ჯგუფის შექმნას სთავაზობს, მაგრამ არც ერთ კანონში ასეთი ჯგუფი გათვალისწინებული არ არის. რასაკვირველია, კონსულტაციები ნებისმიერ დონეზე შეიძლება, მაგრამ საქმისთვის უკეთესი იქნება, თუკი ჩაღრამავებული, ფართო მონაწილეობით აღნიშნულ ჯგუფს შექმნის პარლამენტი, როგორც ეს წესი და რიგია“,-აღნიშნა გია ვოლსკიმ.

შეგახსენებთ, რომ პრემიერის ინიციატივას, რომ შეიქმნას საკონსტიტუციო ცვლილებებზე მომუშავე ჯგუფი, პრეზიდენტის სახელით გიორგი აბაშიშვილი გამოეხმაურა.

მისი თქმით, პრეზიდენტი მიესალმება პრემიერ-მინისტრის ინიციატივას და მზად არის კონსტიტუციაში შესატანი ცვლილებების მოსამზადებლად დააფუძნოს სამუშაო ჯგუფი.

მონიკა დავლიანიძე