კომენტარი

პრეზიდენტის ადმინისტრაცია პარლამენტის თავმჯდომარის შეთავაზებას პასუხობს

პრეზიდენტის ადმინისტრაცია პასუხობს პარლამენტის თავმჯდომარის შეთავაზებას იმის შესახებ, რომ საკონსტიტუციო პროექტზე პირდაპირ ეთერში იმსჯელონ.

პრეზიდენტის მრჩეველი ფიქრია ჩიხრაძე ირაკლი კობახიძის შეთავაზებას შოუს უწოდებს და კიდევ ერთხელ მოუწოდებს მმართველ გუნდს, დიალოგი პრეზიდენტის ადმინისტრაციაში გამართონ.

,,დიალოგი უნდა მოხდეს საზოგადოებასთან და არა ვთქვათ, ტელევიზიაში ჩამომდგარი ორი თანამდედობის პირი ელაპარაკებოდეს ვინმეს. დიალოგისთვის ყოველთვის მზად ვიყავით, დღესაც მზად ვართ. თუ მათ არ აქვთ საერთოდ ეს რესურსი, რომ დიალოგში შემოვიდნენ. ეს ისედაც ცხადი იყო მთელი ამ ხნის განმავლობაში და ახლა კიდევ უფრო ცხადი გახდება მათი ქმედებებიდან გამომდინარე.

როდესაც საქმეზე ველაპარაკებით, ისინი სრულიად სხვა მიმართულებით ლაპარაკობენ.

კიდევ ერთხელ ვიმეორებ, ეს არის უსერიოზულესი პროცესი. ჩვენ ძალიან სერიოზულად ვეკიდებით ამას’’, - აცხადებს ფიქრია ჩიხრაძე.

ნინო ექვთიმიშვილი