კომენტარი

პრეზიდენტი ვის შეხვდება ჩემთვის საინტერესო არ არის - კახა კალაძე

პრეზიდენტი ვის შეხვდება და ვისთან გამართავს მოლაპარაკებას, ეს ჩემთვის საინტერესო არ არის, - განუცხადა ჟურნალისტებს ვიცე-პრემიერმა კახი კალაძემ.

მისი თქმით, საკონსტიტუციო კომისია ქვეყნის მთავარ კანონში შესატან ცვლილებებზე მუშაობს და საკმაოდ წარმატებულადაც.

„თუმცა საბოლოო დოკუმენტის დადება ალბათ, უახლოეს მომავალში მოხდება. ვფიქრობ, ძალიან ნაყოფიერი და შრომატევადი სამუშაო იქნა გაწეული, რომელიც დღეასაც მიმდინარეობს. ასე რომ, პრეზიდენტი ვის შეხვდება და ვისთან გამართავს კონსულტაციებს, ეს ჩემთვის საინტერესო არ არის”, - განაცხადა კალაძემ.

კითხვაზე, შესაძლოა თუ არა პრეზიდენტის განცხადებები მისი არჩევის წესის ცვლილების მიზეზი გახდეს, კალაძე ამბობს, რომ საკონსტიტუციო ცვლილებები არა პრეზიდენტის განცხადებების, არამედ ქვეყნის საჭიროებიდან გამომდინარე უნდა განხორციელდეს.

ვიცე-პრემიერის თქმით, მან მოისმინა ირაკლი კობახიძის განცხადება, რომელიც კალაძის შეფასებით ცოტა ემოციური იყო.

,,ჩემთვის საინტერესოა კომისიის მუშაობა თუ რა შედეგს დადებს საბოლოოდ. საკონსტიტუციო კომისიამ უნდა იმოქმედოს ისე როგორც ქვეყანას სჭირდება , ჩვენს მომავალს ჭირდება და არა პრეზიდენტის განცხადებებიდან გამომდინარე. ირაკლის განცხადებას მე მოვუსმინე, ის იყო ცოტა ემოციური, თუმცა მესმის მისი"-დასძინა კალაძემ.

ცნობისათვის: საქართველოს პრეზიდენტი საკონსტიტუციო ცვლილებებთან დაკავშირებით დღეს საკონსტიტუციო კომისიის წევრებსა და საზოგადოების წარმომადგენლებს შეხვდება.

როგორ ცნობილია, საკონსტიტუციო კომისია, ახალ პროექტზე მუშაობის პროცესში პრეზიდენტის უფლებამოსილებების კორექტირებაზეც მსჯელობს.

ნინო ექვთიმიშვილი