კომენტარი

პრეზიდენტი უნდა გამოვიდეს და ბოდიში მოუხადოს „ქართული ოცნების“ მხარდამჭერებს - ლევან გოგიჩაიშვილი

„ქართული ოცნების“ წევრის, ლევან გოგიჩაიშვილის თქმით, საქართველოს პრეზიდენტმა უნდა თქვას, თუ როდის იძალა „ქართულმა ოცნებამ“ ამომრჩევლის ნებაზე და რა შემთხვევაში იყო გამოყენებული ადმინისტრაციული რესურსი.

გოგიჩაიშვილის თქმით, თუ გიორგი მარგველაშვილი საკუთარ სიტყვებს არ დაადასტურებს, მაშინ მან საზოგადოებას ბოდიში უნდა მოუხადოს, რადგან „ქვეყნის მეთაურები ასე არ საუბრობენ“.

„რა შემთხვევაში იყო გამოყენებული ადმინისტრაციული რესურსი, როდის იძალადა „ქართულმა ოცნებამ“, ან ვის ნებაზე იძალადა?- კეთილი ინებოს და დაამტკიცოს და აგოს პასუხი თითოეულ სიტყვაზე, თითოეულ წინადადებაზე. თუ არ დაამტკიცებს, მაშინ გამოვიდეს და ბოდიში მოუხადოს იმ ადამიანებს, ვინც „ქართული ოცნების“ სასარგებლოდ გააკეთა არჩევანი და ბოდიში მოუხადოს „ქართულ ოცნებას“. ასე არ შეიძლება, ასე არ საუბრობენ ქვეყნის მეთაურები“,-აღნიშნა ლევან გოგიჩაიშვილმა.

გუშინ, ტელეკომპანია „მაესტროს“ ეთერში საქართველოს პრეზიდენტმა ჩატარებული ადგილობრივი არჩევნების შეფასებისასა განაცხადა, რომ „ქვეყანამ ადმისნტრაციული რესურის გამოყენებაზე უარი ჯერ არ თქვა“.

მონიკა დავლიანიძე