კომენტარი

პრეზიდენტი - რუსთავი 2-ზე: პროცესი თავიდანვე პოლიტიკოსების ჩარევის შედეგად პოლიტიზებული გახდა

საქართველოს პრეზიდენტი რუსთავი 2-თან დაკავშირებით უზენაესი სასამამართლოს მიერ გამოტანილ გადაწყვეტილებას სპეციალური ბრიფინგით გამოეხმაურა.

„პროცესი თავიდანვე პოლიტიკოსების ჩარევის შედეგად პოლიტიზირებული გახდა. 2015 წლის 22 ოქტომბერს, მაშინდელი პრემიერის მიერ მთავრობის სხდომაზე გაკეთებული განცხადებებიდან ჩვენ ფაქტობრივად, დავდექით სამოქალაქო დაპირისპირების საშიშროების წინაშე, მაშინვე მე დამჭირდა მკაფიო განცხადებების გაკეთება, რომ პროცესი ქუჩიდან მოლაპარაკების რეჟიმში გადმომეყვანა,"- აღნიშნა მარგველაშვილმა.

პრეზიდენტის განცხადებით, რუსთავი 2 არ არის უბრალოდ ბიზნესი.

,,რუსთავი 2 არ არის უბრალოდ ბიზნესი, ის წარმოადგენს ჩვენი საზოგადოებრივ-პოლიტიკური ცხოვრების მნიშვენლოვან შემადგენელს, ის არის კრიტიკული და განსხავებული აზრის გამოხატვის შესაძლებლობა,"- განაცხადა გიორგი მარგველაშვილმა.

პრეზიდენტმა ყველას მოუწოდა დანაშაულებრივი გადაწყვეტილებისგან და პროვოკაციისგან თავის შეკავებისკენ.

,,თემის პოლიტიკური მნიშვნელობიდან გამომდინარე, მინდა ყველა მხარეს მოვუწოდო, საკონსტიტუციო სასამართლოსა და სტრასბურგის ადამიანის უფლებათა ეროვნული სასამართლოს გადაწყვეტილებებს მოუსმინოთ, დაველოდოთ და არ გადავდგათ მყისიერი ნაბიჯები,“- განაცხადა მარგველაშვილმა.

ნინო ექვთიმიშვილი