კომენტარი

პრემიერი თავს ვერ აარიდებს იმ კითხვებზე პასუხის გაცემას, რომელიც შსს-ს მიმართ დაგროვდა - სალომე სამადაშვილი

„ნაციონალური მოძრაობის“ წევრის, სალომე სამადაშვილის შეფასებით, პრემიერის მიერ დაგეგმილი სამთავრობო ცვლილება მიუთითებს იმაზე, რომ სახელისუფლებო გუნდი საკუთარი მუშაობით არ არის კმაყოფილი.

პოლიტიკოსის თქმით, ყველა იმ კითხვას, რომელიც ბოლო თვეების განმავლობაში დაგროვდა შინაგან საქმეთა მინისტრის მიმართა, პრემიერ მინისტრი ამ შეკიხთვებზე პასუხის გაცემას თავს ვერ აარიდებს.

რაც შეეხება შინაგან საქმეთა მინისტრად გიორგი გახარიას კანდიდატურის წარდგენას, სალომე სამადაშვილი მიიჩნევს, რომ ეს ნიშნავს, იმას რომ ყოფილი პრემიერი ბიძინა ივანიშვილი ცდილობს უფრო ახლო დისტანციიდან გააკონტროლოს ყველა საკვანძო უწყება.

„ასეთი მასშტაბური ცვლილებები, როგორც სტრუქტურული, ასევე საკადრო, აჩვენებს იმას, რომ მთავრობა და ხელისუფლების გუნდი არ არის კმაყოფილი საკუთარი მუშაობით. ეს ძალიან უცნაურია, როდესაც ადგილობრივი არჩევნები სულ რამდენიმე კვირის წინ ჩატარდა.

ყველა იმ შეკითხვას, რაც იყო დაგროვებული შინაგან საქმეთა სამინისტროსთან გასული რამდენიმე წლის მანძილზე პრემიერ-მინისტრი და ვერც განახლებული გუნდი თავს ვერ აარიდებს. ჩვენ უკვე მრავალი თვეა შინაგან საქმეთა მინისტრთან გვაქვს ძალიან სერიოზული პრეტენზიები.

ბატონი გახარიას დანიშვნა შინაგან საქმეთა მინისტრის პოსტზე არის სრულიად გაუგებარი. მას არ აქვს არანირი პოლიტიკური და არანაირი პროფესიონალური გამოცდილება. ეს ცვლილებები აჩვენებს ერთ რამეს, რომ ბიძინა ივანიშვილი ცდილობს, რომ კიდევ უფრო ახლო დისტანციიდან გააკონტროლოს ყველა საკვანძო უწყება“,-აღნიშნა პოლიტიკოსმა.

მონიკა დავლიანიძე