კომენტარი

პრეამბულაში უნდა ჩაიწეროს ძირითადი ფორმულირება, თუ საითკენ მიდის ქვეყანა - გია ვოლსკი

პარლამენტში, საკონსტიტუციო კომისიის ადმინისტრაციულ-ტერიტორიული, მოწყობისა და ადგილობრივი თვითმმართველობის საკითხსზე მომუშავე ჯგუფის პიველი შეხვედრა მიმდინარეობს.

ჯგუფის წევრები რეგიონულ საკითხებს განიხილავენ.

ამასთან, კვლავ აქტუალური რჩება საკითხი, ჩაიწერება თუ არა კონსტიტუციის პრეამბულაში საქართველოს ევროპული და ევროატლანტიკური მისწრაფებების შესახებ კონკრეტული წინადადება.

პარლამენტის ვიცე-სპიკერი გია ვოლსკი მიიჩნევს, რომ პრეამბულაში უნდა ჩაიწეროს ძირითადი ფორმულირება იმის შესახებ, თუ საითკენ მიდის ქვეყანა, „რა პრინციპისკენ მივდივართ და რომ ამ პრინციპს დღესდღეობით პასუხობს ევროკავშირი“.

„და იმაზე პასუხი, თუ რა იქნება ასი წლის მერე, კონკრეტიკასთან დაკავშირებით, მე მაგალითად, თავს შევიკავებდი. ჩვენ უნდა ვიცოდეთ ის პრინციპები, რაც გვაერთიანებს ევროკავშირთან, რატომ გვაქვს მისწრაფება, ან რატომ გვაქვს სწრაფვა ევროატლანტიკური ინტეგრაციისაკენ. ეს უნდა ჩაიწეროს ძალიან მკაფიოდ. თუ რა სტრუქტურებს შეეხება ეს კონკრეტიკა, არ არის ჩემი აზრით საჭირო“,-აღნიშნა გია ვოლსკიმ.

მონიკა დავლიანიძე