კომენტარი

პოროშენკოს ჩემი ექსტრადირების არც თავი, არც შესაძლებლობა არ აქვს - მიხეილ სააკაშვილი

საქართველოს ექს-პრეზიდენტის, ოდესის ოლქის ყოფილი გუბერნატორის მიხეილ სააკაშვილის თქმით, უკრაინის პრეზიდენტი საქართველოში მის ექსტრადირებას ვერ შეძლებს, რადგან ამის არც თავი და არც შესაძლებლობა აქვს.

ამის შესახებ სააკაშვილმა „კურიერთან“ საუბარში, ივლისში პოროშენკოს საქართველოში ვიზიტის კომენტირებისას განაცხადა.

სააკაშვილის თქმით, პოროშენკომ ეს რომ განახორციელოს მას ეს ცუდად შემოუბრუნდება რაც კარგად იცის.

„პოროშენკოს არ აქვს ისეთი პოლიტიკური მდგომარეობა უკრაინაში, მაგის თავი და არც შესაძლებლობა არ აქვს, რომ მე უკრაინაში არ შემიშვას ან მოქალაქეობა ჩამომართვას. ეს რომ გააკეთოს ისე შემოუბრუნდება, რომ მან ეს კარგად იცის, ეს გამოიწვევს წამროუდგენელ დარტყმას პირადად მასზე და იმ ხალხსზე ვინც ამ გადაწყვეტილებას მიიღებს. ამიტომ, მე ამ გადაწყვეტილების საერთოდ არ მეშინია. მე, უკრაინელი ხალხის ძალიან დიდი მხარდაჭერა მაქვს, ისევე როგორც ქართველი ხალხის. ძალიან დიდი გეგმები მაქვს უკრაინაში, ისევე როგორც საქართველოში. ამიტომ, ვერანაირი ოლიგარქების გარიგებით და ვერანაირი ოლიგარქების კულისებს შორის რაღაც შეთანხმებებით, ამას ვერ შეაჩერებენ. მე მაქვს გამომუშავებული მყარი ინსტიქტი, რომ ოლიგარქებს არაფერი არ დავუთმო“,- განაცხადა მიხეილ სააკაშვილმა.

მონიკა დავლიანიძე