მსოფლიო

პოროშენკომ მითხრა, შეგიძლია ბენილუქსში წახვიდე, არ გინდა ბენილუქსში, სამხრეთ-აღმოსავლეთ აზიაში წადიო - მიხეილ სააკაშვილი

ოდესის ოლქის ყოფილი გუბერნატორის, პეტრო პოროშენკოს ყოფილი მრჩევლის მიხეილ სააკაშვილის განცხადებით, მასთან საუბარში უკრაინის პრეზიდენტი ხელისუფლებაში არსებულ კორუფციას აღიარებდა, მაგრამ ირწმუნებოდა, რომ მასთან კავშირი არ აქვს.

სააკაშვილის თქმით, პოროშენკო პირობას დებდა, რომ კორუფციაში ბრძოლაში ხელს შეუწყობდა.

ამის შესახებ სააკაშვილმა Skrypin.ua-ს ეთერში განაცხადა.

„იმდენჯერ უთქვამს, რომ იზამდა ამას, რაც ჩემში არანაირ ეჭვს არ იწვევდა. ბოლოს კი მითხრა , რომ „რასაკვირველია, მიშა, ყველაფერს გავაკეთებ, მაგრამ თუ შენ დაიღალე, შეგიძლია ელჩად ბენილუქსში წახვიდე. არ გინდა ბენილუქსში, სამხრეთ-აღმოსავლეთ აზიაში წადიო“,-განაცხადა სააკაშვილმა.

ყოფილი გუბერნატორის თქმით, პოროშენკო სთავაზობდა მას ნებისმიერი ელჩის მოხსნას და მისი დანიშვნას.

„ანუ, მან მე გამიშვა. რადგან მან მე გამიშვა, ორ დღეში მე გავუშვი. ყველაფერი მარტივია. მე ვუთხარი, რომ პასუხს ორ დღეში მიიღებდა, და ორ დღეში პრესკონფერენცია გავმართე“,-განაცხადა სააკაშვილმა.

მონიკა დავლიანიძე