კომენტარი

პოლიტიკური პარტიების დაფინანსების საკითხთან დაკავშირებით ტენდენცია შენარჩუნებულია - ირაკლი მექვაბიშვილი

გენერალური აუდიტორის ირაკლი მექვაბიშვილის განცხადებით, პოლიტიკური პარტიების დაფინანსების საკითხთან დაკავშირებით ტენდენცია შენარჩუნებულია და ამ მიმართულებებით ცვლილებები არ არის.

როგორც მექვაბიშვილმა ჟურნალისტებს „აუდიტის ხარისხის უზრუნველყოფის“ სემინარის დაწყებამდე განუცხადა, ტენდენცია გაუმჯობესებულია პოლიტიკური პარტიების შემომწირველების გამოკითხვასთან დაკავშირებით.

„დღეს გვექნება შეხვედრა არასამთავრობო სექტორთან. მსგავსი შეხვედრები წინასაარჩევნო პერიოდშიც გვქონდა, NDI-ის, IRI-ის წარმომადგენლებთან გავიარეთ ჩვენი საქმიანობა. დღეს არის მორიგი სამუშაო შეხვედრა, სადაც გამოვაქვენებთ შუალედურ ანგარიშს. განსაკუთრებული არაფერი ხდება. ჩვენი საბოლოო ანგარიში დაახლოებით ორი თვის განმავლობაში გვექნება წარმოდგენილი. ბუნებრივია, ტენდენცია ბოლო პერიოდში ვერ შეიცვლებოდა, ის არის შენარჩუნებული“, - განაცხადა ირაკლი მექვაბიშვილმა.

მისივე შეფასებით, გაუმჯობესებულია ტენდენცია პარტიების შემომწირველების გამოკითხვების მხრივაც.

„ჩვეულებრივ რეჟიმში მიმდინარეობს გამოკითხვა. აბსოლუტურად ყველა საკითხი კონტროლზეა აყვანილი. ამ მომენტში იკითხებიან „ქართული ოცნების“ და „ევროპული საქართველოს“ წარმომადგნელები. ტენდენცია არის იგივე“, - აღნიშნა ირაკლი მექვაბიშვილმა.