მსოფლიო

პეტრო პოროშენკომ სადეპუტატო იმუნიტეტთან დაკავშირებით ოპოზიციის მოთხოვნა ნაწილობრივ გაითვალისწინა

უკრაინის პრეზიდენტმა - პეტრო პოროშენკომ უმაღლეს რადას სადეპუტატო იმუნიტეტთან დაკავშირებით საკონსტიტუციო ცვლილებების განხორციელების ინიციატივით მიმართა.

პრეზიდენტის კანონპროექტი, დღეს უმაღლეს რადაში დარეგისტრირდა.

აღსანიშნავია, რომ ამ წუთებში უმაღლეს რადასათან ოპოზიციური პარტიები „სამოპომიჩ“, „ბატკივშჩინა“, „ახალ ძალთა მოძრაობა“, „5.10“, „სვობოდა“, ეროვნული კორპუსი და მოხალისეთა კორპუსი „პრავი სექტორ“ აქციას მართავენ. ოპოზიცია სადეპუტატო იმუნიტეტის გაუქმებას, საარჩევნო კანომდებლობაში ცვლილების შეტანას და ანტიკორუფციული სასამართლოს შექმნას ითხოვს.

უკრაინის პრეზიდენტი სთხოვს დეპუტატებს, უკრაინის კონსიტუციის მე-80 მუხლში ცვლილებების შეტანის შესაძლებლობა განიხილონ.

პოროშენკოს განმარტებით ბარათში ნათქვამია,რომ აღნიშნული მუხლი უნდა იკითხებოდეს შემდეგნაირად: “უკრაინის სახალხო დეპუტატებს არ ეკისრებათ იურიდიული პასუხისმგებლობა კენჭისყრის შედეგებზე, ან იმ გამონათქვამების გამო, რომლებსაც ისინი პარლამენტში, ან სხვა ორგანოებში გაახმოვანებენ, გარდა იმ შემთხვევებისა, როდეასც მათ გამონათქვამებში სიცრუის, ან შეურაცხყოფის ნიშნები გამოიკვეთება“.

დოკუმენტის შინაარსის სრული ვერსია პარლამენტის საიტზე ჯერჯერობით არ გამოქვეყნებულა.

იმ შემთხვევაში თუ დეპუტატები პოროშენკოს წინადადებას გაიზიარებენ, კანონი ძალაში 2020 წელს შევა.

მონიკა დავლიანიძე