კომენტარი

პენიტენციურ სისტემაში დეკანოზ გიორგი მამალაძის უსაფრთხოება უზრუნველყოფილი იქნება - კახა კახიშვილი

მიმდინარეობს ამ კუთხით მუშაობა, რომ ბრალდებული დეკანოზი გიორგი მამალაძე უსაფრთხოდ იყოს განთავსებული პენიტენციურ სისტემაში, - განუცხადა ჟურნალისტებს სასჯელაღსრულებისა და პრობაციის მინისტრმა, კახა კახიშვილმა.

ჟურნალისტები დაინტერესდენენ ბრალდებულის ჯანმრთელობის მდგომარეობითაც, თუმცა კახიშვილმა განმარტა, რომ ის პერსონალურ მონაცემებთან დაკავშირებულ ინფორმაციაზე ვერ ისაუბრებს.

„ყველა უნდა შევეჩვიოთ, რომ არსებობს პერსონალური მონაცემების დაცვის ცნება, როდესაც არ მაქვს საშუალება ჩვენთან განთავსებული პატიმრების ავადმყოფობის დეტალებზე ვისაუბრო. ბრალდებული ადვოკატებს ყოველდღიურად ხვდება და იმ შემთხვევაში, თუკი საჭიროდ ჩათვლის, რომ გაახმოვანოს ინფორმაცია, რომელიც ჩემი მხრიდან არ შეიძლება იყოს გახმოვანებული, გაახმოვანებს.

რაც შეეხება უსაფრთხოების ზომებს, მოგეხსენებათ, რომ ჩვენი ერთ-ერთი უმნიშვნელოვანესი პრიორიტეტი პატიმრების უსაფრთხოების დაცვაა. გვყავს პატიმრები, რომელთა დაკავშირებითაც ვფიქრობთ, რომ უფრო მეტად უნდა ვუზრუნველვყოთ უსაფრთხოების საკითხები. არიან ადამიანები, რომელთა მიმართ უსაფრთხოების განსაკუთრებულ ზომებს ვიყენებთ. მიმდინარეობს ამ კუთხით მუშაობა, რომ ბრალდებული უსაფრთხოდ იყოს განთავსებული პენიტენციურ სისტემაში“, - განაცხადა კახიშვილმა.

ნინო ექვთიმიშვილი