კომენტარი

პატარა ბავშვები ხომ არ ვართ, რომ ერთმანეთს გავუბრაზდეთ და ასეთი დამოკიდებულება იყოს გუნდში?! - კახი კალაძე

თბილისის მერის, კახი კალაძის განცხადებით, მმართველ გუნდში დაპირისპირება არ არსებობს და შესაბამისად, არც უმრავლესობა დაიშლება.

„არის მსჯელობა, ეს ნორმალური პროცესია. შეიძლება, აზრთა სხვადასხვაობა იყოს სხვადასხვა საკითხზე, ესეც ნორმალური პასუხია. ჩვენ გამოვედით იმ მდგომარეობიდან, როდესაც ერთ ადამიანზე იყო ყველაფერი მორგებული და ერთი ადამიანის გემოვნებით ხდებოდა ყველაფერი ქვეყანაში: პროექტების განხორციელება, დიზაინი, ოჯახების შექმნაც კი. ასე რომ, მადლობა ღმერთს, ჩვენ გამოვედით ამ მდგომარეობიდან, ქვეყანაში არის დემოკრატია, ვაშენებთ დემოკრატიულ სახელმწიფოს, რომელიც დემოკრატიულ ინსტიტუტებზე იქნება დაფუძნებული“, - ამბობს კახა კალაძე.

რაც შეეხება გავრცელებულ ინფორმაციას იმის შესახებ, რომ პრემიერი კვირიკაშილი პარლამენტის თავმჯდომარეზე გაბრაზებულია, კალაძე ასე პასუხობს:

„რა ბრაზზე ვსაუბრობთ, პატარა ბავშვები ხომ არ ვართ, რომ ერთმანეთს გავუბრაზდეთ და ასეთი დამოკიდებულება იყოს გუნდში?!“