კომენტარი

პაატა პავლიაშვილის ოჯახმა, შესაძლოა პროკურატურის უარი, დაზარალებულის სტატუსის შესახებ, გაასაჩივროს

ნუცუბიძის პლატოზე მომხდარი ინციდენტის დროს გარდაცვლილი პაატა პავლიაშვილის ოჯახმა, შესაძლოა პროკურატურის უარი გაასაჩივროს.

საგამოძიებო უწყებამ ოჯახს დაზარალებულის სტატუსის მინიჭებაზე უარი განუცხადა.

ამის შესახებ მედიას ოჯახის ადვოკატმა ლევან ვეფხვაძემ განუცხადა, რომელმაც დღეს პროკურატურაში საქმის ერთ-ერთი მთავარი მოწმის ნოდარ შანიძის ჩვენებას გაეცნო.

ამასთან, ვეფხვაძე აღნიშნავს, რომ ოჯახს საგამოძიებო პროცესთან კითხვები არ აქვს, რადგან ის ინტენსიურად მიმდინარეობს.

„დამატებით დაკითხულია ათეულობით მოწმე, ძირითადად მეზობლები არიან. ჯერ ექსპერტიზის არც ერთი დასკვნა მოსული არ არის, არც სამედიცვინო, არც ვიდეოსთან დაკავშირებული. ასევე, გავეცანი იმ მთავარი მოწმის, ბატონი შანიძის დაკითხვის ოქმს.

კითხვის ნიშნები არ მაქვს, იმიტომ რომ გამოძიება ინტენსიურად მიმდინარეობს. სტატუსთან დაკავშირებით, ამ ეტაპზე ოჯახთან შევჯერდებით გავასაჩივროთ თუ არა პროკურორის პოზიცია.

თუმცა ამ ეტაპზე ვფიქრობთ, რომ დაველოდოთ ექსპერტიზის დასკვნას და ამის შემდეგ კიდევ ერთხელ მიმვართავთ პროკურატურას, თუ პროკურატურამ საკუთარი ინიციატივით დაზარებულად არ ცნო ოჯახი“,-განმარტა ადვოკატმა.

მონიკა დავლიანიძე