კომენტარი

ოთარ ფარცხალაძე იქნება თუ სხვა, არ არის ჩვენი პრიორიტეტი, რომ ინდივიდებზე ვიყოთ ორიენტირებული - ლაშა თორდია

მთავარი აუდიტორის ლაშა თორდიას განცხადებით, საზოგადოებაში აუდიტის სამსახურის მიმართ ისეთი განცდა არ უნდა გაჩნდეს, როგორიც კონტროლის პალატის მიმართ არსებობდა.

ამის შესაებ თორდიამ სახელმიწოფო აუდიტში განაცხადა, სადაც საქართველოს პრეზიდენტს, გიორგი მარგველაშვილს უმაპსპინძლა.

კერძოდ, მისი თქმით, აუდიტის სამსახურის მიმართ არ უნდა გაჩნდეს განცდა, რომ ის ჩასაფრებული ორგანიზაციაა, რომელიც ცდილობს ცალკეულ უწყებებში კანონდარღვევბი აღმოაჩინოს.

„საზოგადოებაში არ უნდა შეიქმნას განცდა და ჩვენ არ დავუბრუნდეთ იგივე იმ სისტემის აღქმას, რაც იყო კონტროლის პალატის მისამართით. მთელი ამ ხნის მანძილზე ჩვენი გუნდი ცდილობდა, რომ შეგვეცვალა ეს მიდგომა და სტერეოტიპები, რომელიც ჩამოყალიბებული იყო სახელმწიფო აუდიტის სამსახურის მისამართით. საზოგადოებაში, პარლამენტში, ხელისუფლებაში ჩვენი სამსახურის მიმართ აღქმა იყო როგორც მდევნელი, ჩასაფრებული ორგანიზაციის, რომელიც ცდილობდა ცალკეულ უწყებებში აღმოეჩინა კანონდარღვევები და ინდივიდუალურად განეხორციელებინა დევნა საჯარო მოხელეებზე.

ამ გარემოებამ, ამ პრეცედენტმა რომელიც მოხდა, არ მინდა შექმნას საზოგადოებაში განცდა, რომ ვუბრუნდებით კონტროლის პალატის სისტემას, როდესაც ერთ ადამიანზე ვართ ორიენტირებული. ოთარ ფარცხალაძე იქნება თუ სხვა რომელიმე, არ არის ჩვენი პრიორიტეტი, რომ ინდივიდებზე ვიყოთ ორიენტირებული. შემოწმების სტილიც და პოლიტიკაც აგებულია იმისკენ, რომ სისტემურად შევხედოთ პრობლემებს",- განაცხადა ლაშა თორდიამ.

მონიკა დავლიანიძე