კომენტარი

ორივე ასრულებს პუტინის დაკვეთას, ორივეგან მოჩანს პუტინის ყურები - მიხეილ სააკაშვილი

საქართველოს ექსპრეზიდენტის, მიხეილ სააკაშვილის განცხადებით, ქართული და უკრაინული მხარეები მისი ექსტრადირების საკითხით დაინტერესების გამო რუსეთის პრეზიდენტის, ვლადიმერ პუტინის დაკვეთებს ასრულებენ.

„ის, რომ ერთმანეთს აბრალებენ უკრაინის ოლიგარქატის წარმომადგენლები და ქართული ოლიგარქიის მონები ჩემს საკითხს, ეს ნიშნავს მხოლოდ ერთ რაღაცას, ორივე იტყუება. ორივე არიან ჩვეულებრივი ცრუპენტელები, ჩვეულებრივი ნაძირლები, რომელსაც არანაირი კავშირი არ აქვს სამართალთან და სამართლიანობასთან. ორივე ასრულებს პუტინის დაკვეთას, ორივეგან მოჩანს პუტინის ყურები. მართლა ბრმა უნდა იყო, რომ არ დაინახო“, - განუცხადა მიხეილ სააკაშვილმა ,,რუსთავი 2“-ს ბრიუსელში, სადაც ევროპარლამენტარებს შეხვდა.

მისივე თქმით, მეგობრებთან ერთად ისეთი გამოსავლის ნახვას ცდილობს, რომელიც ოლიგარქიული რეჟიმის დასრულებას შეუწყობს ხელს და ხალხს არ დააზარალებს.

,,ესენი იბოგინებენ მანამ, სანამ ხალხი ამას მოითმენს. ერთ დღესაც ხალხი აღარ მოითმენს და მაშინ ეს ტყუილების თქმა და ეს ათასგვარი სიბინძურე დამთავრდება. ეს ორივე ოლიგაქრი, რომ საბოლოო ჯამში დაასამარებენ ორივე ქვეყანას, ამაში ეჭვი თითქმის აღარავის არ ეპარება. აქ საუბარია იმაზე, რომ როგორ გამოვიდეთ ამ სიტუაციიდან ისე, რომ ხალხი არ დაზარალდეს და რუსეთმაც არ გაიხაროს. ამაზე ჩვენ ყველა ერთად ვმსჯელობთ,“ - აცხადებს სააკაშვილი.