კომენტარი

ოპოზიცია ძალიან არასურველად იქცევა, მესმის რომ წინასაარჩევნო კამპანიაა - დავით ნარმანია

თბილისის მერი დავით ნარმანია, დღეს დედაქალაქის საკრებულოში განვითარებულ მოვლენებს გამოეხმაურა.

ნარმანიას შეფასებით ოპოზიცია ძალიან არასუსრველად იქცევა.

„ოპოზიცია ძალიან არასურველად იქცევა. მესმის, რომ წინასაარჩევნო კამპანიაა და მესმის, რომ გარკვეული ხმები სჭირდებათ მათ, თუმცა, მათი ასეთი ქცევით არ მგონია, რომ მათ ხმებს თუნდაც დამატებით ერთი მაინც მიემატოს. მე ვერ მოვისმინე, სამწუხაროდ, რაიმე კონკრეტული არგუმენტი, თუ რატომ არ უნდა გაკეთდეს ქალაქში მიწისქვეშა მრავალსართულიანი სადგომი. მათ მოვუწოდებ, რომ შეეშვან ასეთ ქცევას და ქმედებეს და მისცენ საკრებულოს მუშაობის საშუალება“,-განაცხადა დავით ნარმანიამ.

თბილისის საკრებულოს დღეს, ბოტანიკური ბაღის ნაწილისა და პუშკინის სკვერთან არსებულ ტერიტორიასთან დაკავშირებით გენგეგმის დამტკიცების ფარგლებში უნდა ემსჯელა.

თუმცა, ოპოზიცია აღნიშნულს აპროტესტებდა და უმრავლესობას სხდომის დაწყების შესაძლებლობას არ აძლევდა. ოპოზიციის თქმით, საკითხი მოუმზადებელია და სხდომაზე ნაჩქარევად არის შემოტანილი.

სხდომა ცოტა ხნით შეწყდა, თუმცა მოგვიანდებით განახლდა.

მონიკა დავლიანიძე