კომენტარი

ოკუპანტების ბარი არ მოგხვედრია და არც საწამლავი ბოლი ჩაგისუნთქავს, დახტოდი აქეთ-იქით და აჩხაკუნებდი ფოტოაპარატს - მანანა იაშვილი იური მეჩითოვს

ჟურნალისტი მანანა იაშვილი ფეისბუქის პირად გვერდზე იური მეჩითოვის მიერ 9 აპრილთან დაკავშირებით გაკეთებულ განცხადებას ეხმიანება, სადაც ეს უკანასკნელი ამბობს, რომ 20 ქალი ასფიქსიით გარდაიცვალა და განზრახ არავის მოუკლავს.

,,შეიშალე თუ გამყიდველი აგენტი იყავი ყოველთვის. კოჭებში ვატყობ, ყოველთვის მგელივით გარეთ იყურებოდი. შენ ოკუპანტების ბარი არ მოგხვედრია და არც საწამლავი ბოლი ჩაგისუნთქავს, დახტოდი აქეთ-იქით და აჩხაკუნებდი ფოტოაპარატს. მე და ჩემნაირები კი დაინვალიდებულები 1989 წლის შემდეგ ვწვალობთ ავადმყოფობით, ვინც ცოცხლები დავრჩით, ხელი გაშვერილი გვაქვს, რომ ხელისუფლებები წამლებით მაინც დაგვეხმარონ. არავის ვჭირდებით და ზოგჯერ წამალს და 22 ლარს ძლივს იმეტებენ ჩვენთვის, მაგრამ ჩვენ მაინც, სანამ ძალა გვაქვს, ვცდილობთ საქართველოს ვემსახუროთ.

ჩემგან განსხვავებით ხელისუფლებების მაღალი ეშელონები ყოველთვის გუნდრუკს გიკმევდნენ, გეფერებოდნენ და ზრუნავდნენ შენზე. შენ კი თურმე გულში ჩახვეული ბოღმით და მტრობით ცხოვრობდი ჩვენთან უზრუნველად. ფუი, შენს კაცობას საპატიო მოქალაქევ:). ახლა რა ინტრიგა დაახვიე, ვინ გადაგიხადა და ვის შოუს თამაშობ ნეტა?..

ეს რა ტოტალური ლუსტრაციის დრო დადგა ხალხო? სულ არ მაინტერესებს გვარამიას მამაძაღლობა, ორივეს ლუსტრაცია სახეზეა!!!“ - წერს მანანა იაშვილი.