მსოფლიო

NYT: ტრამპი-უმცროსი რუსი ადვოკატისგან ჰილარი კლინტონზე კომპრომატის მოპოვებას ცდილობდა

ამერიკის პრეზიდენტის უფროსი შვილი დონალდ ტრამპ-უფროსი 2016 წელს რუს ადვოკატს ნატალია ვესელნიცკაიას შეხვდა, რომელიც აცხადებდა რომ მას პრეზიდენტობის კანდიდატ ჰილარი კლინტონზე კომპრომატი გააჩნდა.

ამის შესახებ New York Times წერს.

გამოცემისთვის, 2016 წელს შემდგარი შეხვედრის შესახებ ინფორმაცია ცნობილი გუშინ გახდა.

გამოცემის მიერ მოპოვებული კონფიდენციალური სამთავრობო დიოკუმენტების თანახმად, ტრამპ-უმცროსის შეხვედრა „რუს ადვოკატთან, რომელსაც კრემლთან ქონდა კავშირები“, ნიუ-იორკში Trump Tower-ში მოხდა.

შეხვედრაზე ასეევ იმყოფებოდნენ დონალდ ტრამპის საარჩევნო შტაბის ხელმძღვანელი პოლ მანაფორტი, ასევე პრეზიდენტის სიძე ჯარედ კუშნერი.

New York Times-ის სტატიაში მოყვანილია ტრამპ-უმცროსის სიტყვები, რომელიც ამობს,რომ მისალმების შემდეგ „ვესელნიცკაიამ თქვა, რომ მას აქვს ინფორმაცია იმ პირების შესახებ, რომლებიც რუსეთთან არიან კავშირში, ამასთან, დემოკრატიული პარტიის ეროვნულ კომიტეტს აფინანსებენ და მხარს უჭერენ ქალბატონ კლინტონს, რომელიც პრეზიდენტად იყრის კენჭს“.

„მისი სიტყვები ბუნდოვანი, არაერთგვაროვანი და უაზრო იყო. არავითარი დეტალები, ან დამატებითი ინფორმაცია არ იყო წარმოდგენილი. მალევე გაირკვა, რომ მას არ გააჩნდა მნიშვნელოვანი ინფორმაცია“,-ციტირებს გამოცემა ტრამპ-უმცროსს.

უმცროსი ტრამპი ადვოკატთან შეხვედრის ფაქტს ადასტურებს, თუმცა არ ადასტურებს რაიმე კომპრომატის არსებობას , რომელიც თითქსოდა შეხვდერაზე იყო ნახსენები.

თავის მხრივ ვესელნიცკაიამაც განაცხადა, რომ ტრამპ-უმცროსთან წინასაარჩევნო კამპანის არ განიხილავდა და არასოდეს „წარდგენილა, როგორც რუსეთის მთავრობის წარმომადგენელი“,-წერს New York Times.

მონიკა დავლიანიძე