მსოფლიო

ნუ გამოცდით დონალდ ტრამპის მოთმინებას - მაიკ პენსი თურქეთს

აშშ-ის ვიცე-პრეზიდენტმა მაიკ პენსმა ურჩია თურქეთს, არ გამოსცადოს აშშ-ის პრეზიდენტის, დონალდ ტრამპის მოთმინება და გაათავისუფლოს 2016 წელს დაკავებული პასტორი ენდიუ ბრანსონი.

„პასტორი ენდრიუ ბრანსონი თურქეთში დაკავებული უდანაშაულო ადამიანია და სამართლიანობა მოითხოვს, რომ ის გათავისუფლდეს. თურქეთისთვის კაი არ იქნება, თუ ის პრეზიდენტ ტრამპის მოთმინებას გამოცდის, რომელიც პასტორის ამერიკის შეერთებულ შტატებში დაბრუნებისთვის ყველაფერს გააკეთებს“, - დაწერა პენსმა ტვიტერის საკუთარ გვერდზე.

ბრანსონის გათავისუფლებაზე უარის გამო თურქეთსა და აშშ-ს შორის დიპლომატიური ურთოერთობები დაიძაბა. ამას მოჰყვა ფინანსური საქნციები აშშ-ის მხრიდან, ასევე თურქულ ალუმინსა და ფოლადზე გადასახადების გაზრდა, რაც უარყოფითად აისახა თურქულ ლირაზე და მისი გაუფასურება გამოიწვია.

ამაზე თურქეთმა უპასუხა, რომ ბოიკოტს გამოუცხადებს ამერიკულ ელექტრონულ პროდუქციას და მას ადგილობრივი ნაწარმით ჩაანაცვლებს. გარდა ამისა, დღეს ანკარამ ამერიკულ ალკოჰოლზე, თამბაქოზე, მანქანებზე, ბრინჯსა და ზოგიერთ კომსეტიკურ საშუალებაზე, როგორიცაა მზის დამცავი კრემი, ტარიფები გაზარდა.

ბრანსონი პატიმრობაში 2016 წლის დეკემბრიდან იმყოფება.

ამერიკელი პასტორი მეუღლესთან ერთად, თურქეთში, ქალაქ იზმირში, 23 წლის განმავლობაში ცხოვრობდა და ქრისტიანული ეკლესიის მოძღვარი იყო.