კომენტარი

ნუ დახუჭავთ თვალს ნარკოტიკების ჩადებაზე - ელენე ხოშტარია

საპარლამენტო ფრაქცია „ევროპული საქართველოს“ წევრის ელენე ხოშტარიას განცხადებით, პოლიცია გადასულია პატიოსანი მოქალაქეების ტერორზე და ნარკოშემოწმებაზე იძულებით გადაყვანაზე.

როგორც ხოშტარიამ პარლამენტის პლენარულ სხდომაზე აღნიშნა, ხელისუფლაბამ ჩათვალა, რომ წარსულის შეცდომებსა და გაკვეთილებზე არ უნდა ისწავლოს.

„პოლიცია არის გადასული პირდაპირ თავისუფალი, წესიერი, პატიოსანი მოქალაქეების ტერორზე, ჩხრეკვაზე იძლებით გადაყვანაზე ნარკოშემოწმებისთვის და ასევე ნარკოტიკების ჩადებაზე. მეგობრებო, თქვენ მოხვედით ხელისუფლებაში ლიბერალიზაციის და სამართლიანობის ლოზუნგით და ყველა ამ მიმართულებით თქვენ ჩათვალეთ, რომ უნდა შეიქმნათ კომფორტის ზონა, ძალაუფლებით ტკბობის სივრცე და არ ისწავლოთ არც ერთ შეცდომაზე, არც ერთ გაკვეთილზე წარსულიდან“. - მიმართა ელენე ხოშტარიამ უმრავლესობას.

ხოშტარია მოუწოდებს საპარლმაენტო უმრავლესობის წევრებს, არ ჩაიკეტონ საკანონმდებლო ორგანოში და არ დახუჭონ თვალი უსამართლობებზე.

„და როგორც დეპუტატები, რომლებიც ვალდებული ხართ ხალხის და არა ბიძინა ივანიშვილის წინაშე, გაეცით პასუხები რეპრესიული პოლიტიკის შესახებ“, - განაცხადა ელენე ხოშტარიამ.

მონიკა დავლიანიძე