მსოფლიო

ნიუ-იორკისა და ნიუ-ჯერსის შტატებში საგანგებო მდგომარეობა გამოცხადდა

ამერიკის ნიუ-იორკისა და ნიუ-ჯერსის შტატებში ქარბუქის მოახლოების გამო საგანგებო მდგომარეობაა გამოცხადებული.

ქარიშხალი და ქარბუქი, როგორც მოსალოდნელია, ნიუ-იორკში 60 სმ.-ან ნალექს მოიტანს. ქარის სიჩქარე დრო და დრო 96 კმ/ს მიაღწევს.

აშშ-ს უმსხვილეს ქალაქებში საჯარო სკოლეები დაიხურება.

გაუქმდება 6500-ამდე ავიარეისი აღმოსვლეთ ქალაქებში - ნიუ-იორკში, ვაშინგოტნში, ბოსტონში, ბალტიმორსა და ფილადელფიაში.

ასევე მოსალოდნელია, რომ ნიუ-იორკში გაეროს შტაბ-ბინა დაიკეტოს, სადაც ამ დღეებში ქალების უფლებებთან დაკავშირებით კონფერენცია მიმდინარეობს. ასევე შემსუბუქებულ რეჟიმში იმუშავებს ნიუ-იორკის საფონდო ბირჟა.

როგორც ამერიკის პრეზიდენტმა დონალდ ტრამპმა განაცხადა, ის საშინაო უსაფრთხოების უწყებისა და საგანგებო სიტუაციების მართვის ფედერალური სააგენტოს ხელმძღვანელებს შეხვდა, რომლებმაც განუცხადეს, რომ სრულ მზადყოფნაში არიან.

„ყველა მზადყოფნაშია. იმედი ვიქონიოთ, რომ ყველაფერი ისე ცუდად არ წარიმართება, როგორც გვიწინასწარმეტყველებენ ზოგიერთი ადამიანები. როგორც წესი ასეც ხდება“,-განაცხადა ტრამპმა.

მონიკა დავლიანიძე