კომენტარი

ნინო გვენეტაძე გადადგომას არ აპირებს - იან კელი

საქართველოში ამერიკის ელჩის იან კელის ინფორმაციით, უზენაესი სასამართლოს თავმჯდომარე ნინო გვენეტაძე ვადაზე ადრე თანამდებობის დატოვებას არ აპირებს.

ამის შესახებ იან კელიმ ნინო გვენეტაძესთან გამართული შეხვედრის დასრულების შემდეგ ჟურნალისტებთან საუბრისას განაცხადა. შეხვედრა უზენაეს სასამართლოში დახურულ კარს მიღმა გაიმართა.

ელჩის განმარტებით, შეხვედრაზე განხილული იქნა მედიაში ბოლო დროს გავრცელებული ინფორმაცია გვენეტაძის თანამდებობიდან წასვლის შესახებ.

„ეს საკითხი ზოგადად განვიხილეთ იმ განცხადებების ფონზე, რაც ბოლო დროს გაკეთდა. მან განაცხადა, რომ არ აპირებს გადადგომას. კიდევ ერთხელ ვიმეორებთ, რომ ჩვენ მხარს ვუჭერთ მას განახორციელოს თავისი საქმიანობა.

ჩვენ ძალიან ნაყოფიერი შეხვედრა გვქონდა უზენაესი სასამართლოს თავმჯდომარე ნინო გვენეტაძესთან. ვისაუბრეთ კანონის უზენაესობის საკითხებზე და საქართველოში მართლმსაჯულების სისტემის შესახებ. როგორც ადრე ხშირად განმიცხადებია, ძლიერი და დამოუკიდებელი სასამართლო სისტემა არის ფუნდამენტური ნაწილი ძლიერი დემოკრატიის. ამიტომ ჩვენ გვჯერა, იმისთვის, რომ მიღწეულ იქნას ეს საერთო მიზნები და ამოცანები, აუცილებელია ძლიერი ხელმძღვანელობა და ჩვენ მხარს ვუჭერთ სასამართლოს თავმჯდომარეს“,-აღნიშნა იან კელიმ.

მონიკა დავლიანიძე