მსოფლიო

ნიკოლ პაშინიანი სომხეთის მოქალაქეებს მოუწოდებს, 1 მაისს ერევნის ქუჩები და მოედნები „გაავსონ“

სომხეთის საპარლამენტო ოპოზიციური ფრაქცია „ელქისა“ და პარტია „სამოქალაქო თანხმობის“ ლიდერმა ნიკოლ პაშინიანმა მოუწოდა სომხეთის მოქალაქეებს, 1 მაისს, დილის 8 საათიდან „გაავსონ ერევნის ქუჩები და მოედნები“.

„1 მაისს სომხეთის ქუჩებში ასობით ათას მოქალაქეს ვწინასწარმეტყველებ. მოვუწოდებ სომხეთის ყველა მოქალაქეს, დილის 8 საათზე იყოს ერევანში, გაავსონ ქალაქის ქუჩები და მოედნები, მათ შორის ეროვნული კრების შენობის [იგივე სომხეთის პარლამენტი] მიმდებარე ქუჩები და მოედნები“, -თქვა სომხეტში მიმდინარე საპროტესტო ტალღის ლიდერმა.

ცნობისთვის, 1-ელ მაისს სომხეთის პარლამენტმა საგანგებო სხდომაზე უნდა აირჩიოს ახალი პრემიერ-მინისტრი. ნიკოლ პაშინიანი თავის კანდიდატად უკვე დაასახელა საპარლამენტო ოპოზიციურმა ფრაქცია „ელქმა“.

პოლიტიკურ ძალებს პრემიერობის კანდიდატების წარდგენა 30 აპრილამდე შეუძლიათ.