კომენტარი

ნდობის ჯგუფში ვიცე-სპიკერი ირმა ინაშვილი იქნება წარდგენილი

პარლმენტის თავდაცვისა და უშიშიროების კომიტეტის ნდობის ჯგუფში, „პარტიოტთა ალიანსიდან“, ვიცე-სპიკერი ირმა ინაშვილი იქნება წარდგენილი.

„ჩვენი ფრაქცია შეჯერდა და გადაწყვიტეს, რომ მე დამასახელონ ნდობის ჯგუფში. მზად არის უკვე წარდგინება და ჩვენ წარვადგენთ ჩვენს კანდიდატურას. თავისთავად ძალიან მნიშვნელოვანია ჩვენი მონაწილოება ნდობის ჯგუფში“,-აღნიშნა ინაშვილმა.

მისი თქმით, გაისმა მოსაზრება, რომ ნდობის ჯგუფში შემავალ კანდიდატებს სახელმწიფო უსაფრთხოების სამსახური შეამოწმებს.

„დღეს მე მოვისმინე სხვადასხვა შეფასებები და გაისმა ისეთი მოსაზრებაც, რომ სახელმწიფო უსაფრთხოების სამსახურმა უნდა შეისწავლოს ყველა კანდიდატის კონტაქტები, ბიოგრაფია და ასე შემდეგ, რამდენად სანდოა ესა თუ ის კანდიდატი მონაწილეობდეს ნდობის ჯგუფში. მივესალმები ამას. მზად ვარ, შემისწავლოს სახელმწიფო უსაფრთხოების სამსახურმა, და ისედაც შესწავლილი ვყავართ, ამაში ეჭვი არ მეპარება. მაგრამ, შეისწავლონ ასევე, ნაციონალური მოძრაობის კანდიდატების კონტაქტები, მათი გადაადგილება, კონტაქტები რუსეთთან მათ შორის და მერე გაირკევვა ვინ არის რუსეთის აგენტი, და ვინ არ არის რუსეთის აგენტი“,-აღნიშნა ინაშვილმა.

მონიკა დავლიანიძე