კომენტარი

„ნაციონალური მოძრაობის“ გადაწყვეტილება მმართველი გუნდის ირიბი ხელშეწყობაა - გიგა ბოკერია

„ევროპული საქართველოს“ ერთ-ერთი ლიდერის, გიგა ბოკერიას თქმით, პარტია არჩევნების მეორე ტურში ნებისმიერი პროდასავლური კანდიდატის მხარდაჭერას გეგმავდა.

შესაბამისად, ბოკერიასთვის გაუგებარია რატომ თქვა „ნაციონალურმა მოძრაობამ“ მეორე ტურში მონაწილეობაზე უარი.

„ევროპული საქართველოს“ პოზიცია იყო და არის, რომ ჩვენ ვაპირებდით მხარდაჭერას ნებისმიერი პროდასავლური ოპოზიციის კანდიდატის მხარდაჭერას მეორე ტურში. თბილისში, მათ შორის, ვინც არ უნდა ყოფილიყო ეს, გინდა ელისაშვილი, გინდ უდუმაშვილი. ახლა გაუგებარია, თბილისში ყველანი ამას ვაპირებდით საჯაროდ, ქუთაისმა რა დააშავა, სადაც ოპოზიციამ ჯამში მეტი ხმის შენარჩუნება შეძლო? ვიმეორებ, არ უნდა შევუწყოთ ხელი ირიბადაც „ქართულ ოცნებას“, ივანიშვილის გუნდს არჩევნების მიმართ უიმედობის დანერგვაში“,- განაცხადა გიგა ბოკერიამ.

მონიკა დავლიანიძე