კომენტარი

„ნაციონალური მოძრაობის“ აქტივისტებს საარჩევნო უბნებიდან გამოტანილი აქვთ ცარიელი ბიულეტენები - ირაკლი კობახიძე

„გვაქვს ინფორმაცია, რომ „ნაციონალური მოძრაობის“ აქტივისტებს საარჩევნო უბნებიდან გამოტანილი აქვთ ცარიელი ბიულეტენები“ - ამის შესახებ პარლამენტის თავჯდომარემ ირაკლი კობახიძემ „ქართული ოცნების“ ცენტრალურ ოფისში გამართულ ბრიფინგზე განაცხადა.

კობახიძის ინფორმაციით, ასეთ რამ სოფელ კუმისის 57-ე უბანზე და ასევე დუშეთში, მჭადიჯვარის უბანზე მოხდა, „რათა გააკეთონ პროვოკაციული განცხადებები ე.წ. კარუსელების შესახებ“.

„არის მცდელობა, ხელოვნურად შეიქმნეს აგრესიული ფონი. ეს არის დაბალი კულტურისა და დაბალი პასუხისმგებლობის გამოვლინება, რასაც “ნაციონალური მოძრაობისგან“ მიჩვეული ვართ. მოვუწოდებთ “ნაცმოძრაობასა“ და “რუსთავი 2“-ს თავი შეიკავონ პროვოკაციებისგან და აგრესიული ფონის ხელოვნურად შექმნისგან. მიეცით ამომრჩეველს საკუთარი ნების მშვიდად დაფიქსირების შესაძლებლობა“, - განაცხადა კობახიძემ