კომენტარი

ნაციონალური მოძრაობა პარლამენტსა და საზოგადოებაში არ და ვერ ასრულებს საჭირო ოპოზიციის როლს - დავით უსუფაშვილი

საქართველოს მერვე მოწვევის პარლამენტის თავმჯდომარის, დავით უსუფაშვილის განცხადებით, ნაციონალური მოძრაობა პარლამენტსა და საზოგადოებაში არ და ვერ ასრულებს საჭირო ოპოზიციის როლს.

ამის შესახებ უსუფაშვილმა დღეს შემაჯამებელ ბრიფინგზე განაცხადა.

„პარლამენტში შეიქმნა ვითარება, სადაც საკონსტიტუციო უმარვლესობა აქვს ერთ ძალას, ხოლო მეორე ძალა -ნაციონალური მოძრაობის სახით კი, არის ოპოზიციური ძალა. ის არ და ვერ ასრულებს პარლამენტში, საზოგადოებაში საჭირო ოპოზიციის როლს. ვინაიდან სახელისუფლებო ძალასა და ამ პოლიტიკურ გუნდს შორის არის იმხელა უფსკრული, რომ ამ უფსკრულის გადალახვა, თუნდაც მცირედით სხვადასხვა საკითხზე, არის პრინციპულად შეუძლებელი. ანუ, აქ არის არა კონკურენცია, არამედ მტრობა“,-განაცხადა უსუფაშვილმა.

მისი თქმით, ქართველმა ხალხმა პარლამენტში კონკურენტი ძალები ვერ მიიღო, რომლებიც ერთმანეთს არგუმენტებით გააკრიტიკებენ.

ამიტომ, ჩვენ პარლამენტში ვერ მივიღეთ კონკურენტი პოლიტიკური ძალები, რომლებიც ერთმანეთს მოუსმენენ და არგუმენტებით გააკრიტიკებენ. წინასწრებად ცნობილია, რომ რაც არ უნდა თქვას „ქართულმა ოცნებამ“ ის იქნება ნაციონალების მიერ ჩათვლილი რუსული ოლიგარქის მესიჯად და ამიტომ არ ვისმენთ, და რაც არ უნდა თქვას ნაციონალურმა მოძრაობამ ეს „ოცნების“ მხრიდან იქნება ჩათვლილი როგორც 9- წლიანი სისხლიანი მმართველობის წარმომადგენლების ოინებად, ამიტომ არ ვისმენთ“,-აღნიშნა უსუფაშვილმა.

მონიკა დავლიანიძე