კომენტარი

ნაციონალური მოძრაობა და ევროპული საქართველო ეჯიბრება ერთმანეთს იმაში, თუ ვინ გალანძღვას უფრო მაგრად ბიძინა ივანიშვილს - გია ვოლსკი

პარლამენტის ვიცე-სპიკერის, გია ვოლსკის შეფასებით, ნაციონალურ მოძრაობის გამოყოფილი ჯგუფი და პარტიაში დარჩენილი ნაწილი ერთმანეთს ეჯიბრება იმაში, თუ ვინ გალანძღავს უფრო მაგრად ბიძინა ივანიშვილს.

მისი თქმით, მათ შორის წყალგამყოფი არის ის, რომ მიხეილ სააკაშვილი თავის გუნდს კვლავ მოუწოდებს რევოლუციური გზისკენ, ხოლო ევროპული საქართველოს წევრები აცხადებენ, რომ „ქართულ ოცნებას“ პარლამენტში ინტელექტუალურად დაამარცხებენ.

„ფაქტია, რომ თავისი ფსიქოტიპის სააკაშვილი განაპირობებს იმას, რომ იგი დამაზიანებელი ფაქტორია საქართველოსთვის. ნაციონალურ მოძრაობას გამოყოფილ გუნდსა და დარჩენილ ნაწილს შორის წყალგამყოფი არის ის, რომ სააკაშვილი რევოლუციური გზისკენ მოუწოდებს და არ ეშვება ამას, მიუხედავად იმისა, რომ იქ ვაშინგტონია, ბრიუსელი თუ ვენა, ეუბნება რომ არ შეიძლება ესე. მეორე ნაწილი კი ცდილობს, რომ წყალგამყოფი თავად გააკეთონ. ჩვენ ვართ ინტელექტუალებიო, რომლებიც „ქართულ ოცნებას“ დავუპირისპირდებით პარლამენტშიო.

ორივე ერთმანეთს ეჯიბრება, თუ ვინ უფრო მაგრად გალანძღვას ბიძინა ივანიშვილს და იტყვის, რომ მმართველი გუნდი უნდა ჩადოს მიწაში“,-აღნიშნა ვოლსკიმ.

მონიკა დავლიანიძე