კომენტარი

„ნაციონალურ მოძრაობას“ იმდენი „შეუხედავი“ კანდიდატი ჰყავდა, ლოგიკური იყო ის შედეგი, რაც დადგა - გოგი თოფაძე

დარწმუნებული ვარ, ხვალიდან საქართველოში დაიწყება ის აღმშენებლობა, რასაც მმართველი გუნდი მოსახლეობას პირდებოდა, – განაცხადა „თოფაძე-მრეწველების“ ლიდერმა, გოგი თოფაძემ დღევანდელ პრესკონფერენციაზე და არჩევნების მეორე ტურის შედეგებს ლოგიკური უწოდა.

გოგი თოფაძე ფიქრობს, რომ „ქართული ოცნება“ მოპოვებულ საკონსტიტუციო უმრავლესობას ქვეყნის სასარგებლოდ გამოიყენებს.

„ნაციონალურ მოძრაობას“ იმდენი შეუხედავი კანდიდატი ჰყავდა, ლოგიკურად ეს შედეგი უნდა დამდგარიყო, შეუძლებელია ის ხალხი პარლამენტში მოხვედრილიყო. მჯერა, რომ „ქართული ოცნება“ გაამართლებს ამომრჩევლის ნდობას და განახორციელებს ყველა იმ წამოწყებულ პროგრამას, რისი რეალობაში გატარების საშუალება დღემდე არ ეძლეოდა. კონსტიტუციური უმრავლესობა საფრთხე იყო მხოლოდ „ნაციონალური მოძრაობის“ ხელში,“ – განაცხადა გოგი თოფაძემ.