კომენტარი

ნაციონალურ მოძრაობას დისკომფორტს უქმნის „პატრიოტთა ალიანსის“ მე-9 მოწვევის პარლამენტში მონაწილეობა - გოჩა თევდორაძე

„პატრიოტთა ალიანსის“ წევრის გოჩა თევდორაძის განცხადებით, ნაციონალური მოძრაობის განცხადება გამოწვეულია იმით, რომ მათ ერღვევათ ის იდილია, რაც მე-8 მოწვევის პარლამენტში ჰქონდათ.

ამის შესახებ თევდორაძემ გიორგი კანდელაკის იმ განცხადების საპასუხოდ აღნიშნა, რომლის მიხედვით, პირველადი მონაცემებით „პატრიოტთა ალიანსმა“ ბარიერი ვერ გადალახა, „შემდეგ კი ცესკომ 7 უბნის შედეგი გააუქმა, რომლებშიც ამ პარტიას მცირე შედეგი ჰქონდა“.

„ნაციონალური მოძრაობის ის მოსაზრება, რომ თითქოს „პატრიოტთა ალიანსს“ ხელოვნურად გადაალახინეს ბარიერი - ყოველგვარ საფუძველს მოკლებულია. ნაციონალური მოძრაობის ეს განცხადება გამოწვეულია იმით, რომ ირღვევა ის იდილია, რომელიც ჰქონდათ მათ მე-8 მოწვევის პარლამენტში ხელისუფლებასთან ერთად. მათ ამის რეალური საფუძველი აქვთ, იმიტომ, რომ ნაციონალურ მოძრაობას დისკომფორტს უქმნის „პატრიოტთა ალიანსის“ მე-9 მოწვევის პარლამენტში მონაწილეობა“,-განაცხადა თევდორაძემ.

მონიკა დავლიანიძე