კომენტარი

ნატო ჩხეიძე: სახელდახელოდ შეთითხნილი ვერსიაა მაჩალიკაშვილების მიერ ჩატაევის მეგზურობა

საქართველოს პარლამენტის დამოუკიდებელი დეპუტატი ნატო ჩხეიძე ტვ „პირველის“ პირდაპირ ეთერში სუს-ის ყოფილი უფროსის, სოსო გოგაშვილის ინტერვიუს სოციალურ ქსელში ეხმაურება.

„სერიიდან: აბა, შეხედეთ

ბ- ნი გოგაშვილი გუშინ ტვ პირველის ეთერში ამბობს, ჩატაევი მაჩალიკაშვილებმა გადმოიყვანეს თურქეთიდან და ჩამოიყვანეს თბილისშიო.

ბ- ნ გომელაურს ამ გაზაფხულზე პარლამენტის დახურულ სესიაზე მსგავსი არაფერი უთქვამს.

ხოლო რაც თქვა სუს-ის უფროსმა ჩატაევის გადმოსვლაზე თურქეთიდან საქართველოში, ყოვლად დაუჯერებელი და გაუგონარი ახსნა იყო, მეტი რომ არ ვთქვათ.

მე დამრჩა შთაბეჭდილება, რომ რაღაცას საგულდაგულოდ მალავდა.

და რაღა რაღაცას, სწორედ რომ ჩატაევის გადმოსვლის პერიპეტიებს მალავდა არცთუ ოსტატურად, სწორედ იმ გადმოსვლას, რაც მათ ( სუსმა) მშვენივრად იცოდა.

აშკარაა, რომ საქმის დახურვის კვალდაკვალ სახელდახელოდ შეთითხნილი ვერსიაა მაჩალიკაშვილების მიერ ჩატაევის მეგზურობა.

არა არს რა დაფარული , რომელი არ გაცხადდეს!

ეს დროც მალე მოვა...“ წერს ნატო ჩხეიძე.

შეგახსენებთ, რომ პროკურატურამ თემირლან მაჩალიკაშვილის საქმეზე გამოძიება შეწყვიტა.

სუსის ყოფილი მაღალჩინოსანი სოსო გოგაშვილი, პანკისში ჩატარებულ სპეცოპერაციას ინგა გრიგოლიას გადაცემა “რეაქციაში” იხსენებდა.