კომენტარი

ნატო ჩხეიძე: როცა ხალხი ვერაფერს ხედავს საზეიმოს და შენ მაინც გეზეიმება, კეთილი უნდა ინებო და მიიღო მათგან კუთვნილი სილაქი

პოლიტიკური მოძრაობა „სახელმწიფო ხალხისთვის“ ლიდერი ნატო ჩხეიძე სოციალურ ქსელში წერს:

„სერიიდან: ტაში შინ და არა გარეთ...

- ამნისტიის ინიცირებაში, შემუშავებაში, კენჭისყრებში მონაწილე ოპოზიციონერ დეპუტატებს ლანძღავდნენ, ასე არ ივარგებს და არც უპასუხოდ არ დარჩება., - ასე იქადის და გვმოძღვრავს შეთანმხმებაზე ხელმომწერ პარტიებიდან ერთ-ერთის გურუ.

არადა, გამოვა:)
როგორც დაგიბარებიაო, ასე იტყვიან ხალხში.
იმ ხალხში, რომელიც არავის გახსენებია დოკუმენტზე მუშაობისას.

ხალხი კი არა, ისიც არ გახსენებიათ, ვისი რისკის ფასადაც ეღირსათ “ სმირნაზე” დგომა და ზეიმებში მონაწილეობა.

ხალხზე მზრუნველი ხელისუფლებისა არ იყოს, ხალხზე მზრუნველ ამ ბატონებს მაინც, მაშინ არ უნდა ეზეიმებოდეთ, როცა ხალხი ვერაფერს ხედავს საზეიმოს.

და როცა ხალხი ვერაფერს ხედავს საზეიმოს და შენ მაინც გეზეიმება, პარტიულ თუ პირად ინტერესებმომგვარებელს, კეთილი უნდა ინებო და მიიღო მათგან კუთვნილი სილაქი.

არ იღებ და საპასუხოდაც ემზადები? რა ვუყოთ:)
მაგის მეტი რა გვინახავს,
მაგის მეტს რას მოვსწრებივართ,
მაგის მეტი რა გადაგვიტანია...” - წერს ნატო ჩხეიძე.