კომენტარი

ნატო ჩხეიძე: რა დაწმინდავს ამ სიჭრელეს?.. ამ აჭრილ ყოფას რა დაალაგებს...

„რთული და მძიმე ვითარება ჩანს ქვეყანაში არა მხოლოდ ეკონომიკური კუთხით... რთული, მხიმე და ერთობ აჭრილი“, - ასე გამოეხმაურა პარლამენტის დამოუკიდებელი დეპუტატი, მოძრაობა „სახელმწიფო ხალხისთვის“ თავმჯდომარე ნატო ჩხეიძე საერთაშორისო რესპუბლიკური ინსტიტუტის (IRI) კვლევის შედეგებს.

„რთული და მძიმე ვითარება ჩანს ქვეყანაში არა მხოლოდ ეკონომიკური კუთხით...

რთული, მხიმე და ერთობ აჭრილი...

აბა, შეხედეთ, -

საზოგადოების განწყობა აი, ასეთიაო, გვეუბნება 1500 რესპონდენტზე დაკვირვებით IRI, -

ადრინდელივით, საზოგადოების უმაღლესი ნდობის მქონე საქართველოს კათოლიკოს-პატრიარქს ოდნავ ჩამორჩება ექიმი ამირან გამყრელიძეო, ვინც, როგორც ჩანს თავის სახელ - გვარში პაატა იმნაძესა და თენგიზ ცერცვაძესაც მოიცავს:);

მერე პრემიერი გიორგი გახარიააო, ვინც საზოგადოების გამოკითხული ნაწილის აშკარა ამნეზიას მოიცავს, აწ პრემიერის შსს მინისტრობის დროინდელისას;

მერე კახი კალაძეაო, ვინც შარშან ამ დროსაც ასევე მოიცავდა “ სტილიაგობის” მოყვარულთა სიმპათიებს;

მერე დავით ბაქრაძეო, ვინც მუდმივად პირად- მაღალ და პარტიულ- დაბალ რეიტინგს მოიცავს ხოლმე;

ამის მერე შალვა ნათელაშვილია აშკარა “ ირმის ნახტომით” , და თანაც ისეთი ნახტომით, რომ, ბ- ნ ივანიშვილსაც გადაუსწრო;

მერეღა იკავებს მწკრივში ადგილს ბიძინა ივანიშვილი და ისიც ალბათ დენდოპარკის სურნელისა გამო.

სიჭრელეა, როგორი სიჭრელეა!..

თან დაბინდული, თან გადადღაბნილი და თანაც, მჭახე ფერებშერეული...

რა დაწმინდავს ამ სიჭრელეს?.. ამ აჭრილ ყოფას რა დაალაგებს..

ალბათ, სხვა კვლევა, სხვა ანალიზი, სხვა შეკითხვები, სხვა რესონდენტები, სხვა, სხვა, სხვა ...

და მოვა კიდეც არჩევნები,

მოვა სხვა არჩევნები და სხვა არჩევანიც მაშინ გამოჩნდება,-

სიჭრელეც დალაგდება, ფერებიც დაიწმინდება...“ - წერს ნატო ჩხეიძე სოციალურ ქსელში.