კომენტარი

ნამდვილად ჰქონდათ განზრახვა სახელმწიფო გადატრიალების მოწყობისა - სოფიო კილაძე

საპარლამენტო უმრავლესობის წევრის, სოფო კილაძის განცხადებით, ხელისგულზე ჩანს აშკარა ნიშნები, რომ მზადდებოდა სახელწიფო გადატრიალება.

დეპუტატის თქმით, „ნაციონალურმა მოძრაობამ“ თბილისის მერიაში შეიტანა განცხადება, რათა მომხდარიყო დაახლოებით 100 000-კაციანი აქციის სანქცირება.

„ეს პირდაპირ მიუთითებს, რომ ნამდვილად ჰქონდათ განზრახვა სახელმწიფო გადატრიალების მოწყობისა. ფიქრობდნენ, რომ ჩანაწერებით შეძლებდნენ, მთელი საზოგადოება აემხედრებინათ „ქართული ოცნების“ წინააღმდეგ და ზოგადად მათი მიზანია, როგორც ვხედავთ 2012 წლიდან, ქვეყანაში დესტაბილიზაცია. ეს არის მათი სტილი. არაერთხელ გვინახავს ჩანაწერებიც, შანტაჟიც, მუქარაც და სწორედ ამას უთხრა მთელმა საზოგადოებამ უარი 2012 წელს. სამწუხაროდ, ისინი ოპოზიციიდანაც არ ისვენებენ, ხელისუფლებაში დაბრუნების სურვილი ჰკლავთ, რომ კვლავ განაგრძონ უბედურება, რასაც ხალხმა უარი უთხრა“, – განაცხადა სოფო კილაძემ.