კომენტარი

მუსტაფა ემერე ჩაბუკის ადვოკატი სასამართლოს დღევანდელ გაბდაყწვეტილებას სააპელაციო სასამართლოში გაასაჩივრებს

დემირელის სახელობის სკოლის მენეჯერის მუსტაფა ემრე ჩაბუკის ადვოკატი, თბილისის საქალაქო სასამართლოს მიერ დღეს გამოტანილ გადაწყვეტილებას სააპელაციო სასამართლოში გაასაჩივრებს.

საქალაქო სასამართლომ მუსტაფა ემრე ჩაბუკს წინასაექსტრადაციო პატიმრობა სამი თვით გაუნახგრძლივა

როგორც მედიასთან საუბარში ადვოკატმა სოსო ბარათაშვილმა აღნიშნა, პროკურატურამ დღეს ვერანაირი ფორმალური და ფაქტობრივი არგუმენტები ვერ წარმოადგინა, თუ რატომ უნდა გაეგრძელებინათ ჩაბუქისთვის პატიმრობის ვადა.

„მაშინ, როცა ჩაბუქს დოკუმენტები გადაცემული აქვს ლტოლვილთა სამინისტროსთვის, ასევე ის დაინტერესებულია საქართველოში ყოფნით, ხოლო მას და მის ოჯახს ემუქრებიან, ისმის კითხვა, რა არგუმენტები არსებობს საიმისოდ, რომ მიემალოს გამოძიებას? უსაფუძვლოა ის არგუმენტი, რომ თითქოს თავისუფლებაში ყოფნის შემთხვევაში ხელს შეუშლის გამოძიებას, რომელიც თურქეთში მიმდინარეობს. ფაქტობრივი მხარეც დაუსაბუთებელია. ის, რომ ჩაბუქი იყო მინდობილი პირი ერთ-ერთი კომპანიისა, ეს არ წარმოადგენს დამადასტურებელ საბუთს ჩაბუქის ტერორისტულ ორგანიზაციასთან კავშირისას“, - განაცხადა ბარათაშვილმა.

მონიკა დავლიანიძე